Popular Bible Verses from Matʉyo 2

Share

Pɔ́b kúŋɔ́ ndáb, njʉ́ Mɔ́ŋ pú mɛ́ ye Malya. Pɔ́b ghúŋú pfo ye, ŋgúʼɔ wé, ntáʼ pab yɔ́b, fɛ́ tʉŋɔ́paŋ, pwɛ yaŋ, pwɛ cyó mbziʼe yaŋ yɛ́ pe fú ne mii nɛ́, pwó Mɔ́ŋ.

Njʉ́ pé kɛ pfɛ́ Yěsô pé Bételɛhɛm, a ŋgɔŋ Zhʉdé, ndzó pwó fɔŋ Erodə nɛ́, ghaŋázhʉsaŋ twɔ́ Sáʼáménab mbáŋá Yerʉ́salɛm, mbzirí ŋgâ: «Fɔŋ pɛ Yúda wɛ́ pé ke kɛ pfɛ́ wé pfé nɛ́ yɛ́? Psi zhʉ́ saŋ ye, a Sáʼáménab, mbó ŋkʉ́yó nɔŋ ne ŋgúʼune wé.»

Njʉ́ pɔ́b kɛ zhʉ́ saŋ yéré nɛ́, ndzɔʼ yɔ́b yáŋ kaʼatɛ.

Njʉ́ yéré no kɛ záʼ nɛ́, Mboʼmve tsɔ́ ne pɔ́b ndzɔ́ʼɔ́ ndzəb ŋgâ, kii pɔ́b ndɛ mbó nzáʼá pfúŋú fɔŋ Erodə. Néré pɔ́b yɔ́ɔ́ yɔ́b cyô mɛndɔ́b mbɔ́rɔ́ yaʼ pɔ́b. Ŋkhoʼyɛ́ ghaŋázhʉsaŋ kɛ ghú nɛ́, taʼ aŋgere Ntsɛɛpɔŋ mô ndzɔ́ʼɔ́ ndzəb, ntsɔ́ pwó Yesə́b ŋgâ: «Ŋǎ syé, ndɔ́ɔ́ Mɔ́ŋ pú mɛ́ ye, puŋ pɔ́b kí, ŋgú ŋgɔŋ Egibto. Ntsʉʼɔ yóʼó kaʼatɛ mə ntsɔ́ pwó wo ŋgâ wo ŋǎ, ŋkyé ŋgâ Erodə táʼa Mɔ́ŋ nɛ́ ne nɔ̌ʼne wé.»