Popular Bible Verses from Faʼ Ghaŋántɔ́b 1

Share

Ntsʉʼmbé, pé fɛ́ taʼ tʉ̌ŋ ne puŋ, ŋkhoʼyɛ́ Zhʉye Yáŋme shʉyí mbəb puŋ nɛ́. Néré, puŋ pé ghaŋákpééntáŋ páá, ndzyěne Yerʉ́salɛm, ndzó ŋkɔŋɔ pɛ́rɛ́ ŋgɔŋ Zhʉdé náá, pwɛ Samari náá, kaʼatɛ mbáŋ ndzó ŋkɔŋɔ mbǎʼmvé náá.»

A tsɔ́ né pɔ́b ŋgâ: «Pǔŋ tsɛ́ʼɛ́ ne ndzéne ŋgab kii ŋkhoʼyɛ́ Mboʼmvé wɛ́ á Tɛd nɛ́, tíí ne tómbəb ye nɛ́ pó.

Taʼ zhyémve, Yěsô tsé ndzɔ̂ mɔ́b pwɛ ŋgíŋgye pé, á tsɔ́ ne pɔ́b ŋgâ: «Kii puŋ ndɛ ŋǎ Yerʉ́salɛm. Ntsʉʼmbé puŋ nzwə́ʼə́ kaʼ yɛ́ Mboʼmvé Tɛd kɛ kaʼa ne puŋ nɛ́ yóʼó, mbé kaʼ yɛ́ puŋ kɛ zóʼ a twɔ́ ntswee mo nɛ́. Zhâŋ kɛ yuwɛ́ fɛ́ kpênse, ntsʉʼŋgɛ mbɛ ne puŋ, pɔ́ŋ zhyémve ŋgɛ ndzáʼá, puŋ ntsɛ́ʼɛ́ yúŋ kpênse pé ne Zhʉye Yáŋme.»

Ŋkhoʼyɛ́ a kɛ zhʉ́ ŋgəʼo kaʼatɛ njʉyɛ́ ne vó nɛ́, a nyóʼ mbəb yé ne pɔ́b, né zhyémve ghúbmekwa kaʼatɛ mbé nyóʼó taʼ kɛɛ pó, ŋgyɛ́ meno zááme ne nyǒʼne ne pɔ́b ŋgâ a mɔ́b, mbó nsó Nofɔŋ Mboʼmvé nné pɔ́b.

Njʉ́ Yěsô kɛ nsó néré nɛ́, kpaʼ ne míí mɔ́b á kɔ́ʼɔ́ pépéé, taʼ pfuŋ kʉ́yó mbwɔ wé ne míí mɔ́b.

Njʉ́ Yěsô kɛ tsé kɔ́ʼɔ́ pépéé nɛ́, pɔ́b tiŋɛ́ wé kaʼatɛ ŋgəyí, pɔŋ pépáá ne ndzwé ffə́fó móó pfúŋɔ pɔ́b, ntsɔ́ ne pɔ́b ŋgâ: «Mbé ŋgɔŋ Galílya pɔŋ, a zhyɛ́ kɔ́ puŋ ntsɛ́ ghɛ́ tsé ndiŋɛ́ pépéé kaʼa? Yěsô wékénɛ́ a kɔ́ʼɔ́ pépéé kɛ́ʼɛ́ nɛ́, náʼá ke ŋkʉ́yó mbziʼe njʉ́ puŋ zhʉ́ wé a kɔ́ʼɔ́ kɛ́ʼɛ́ nɛ́.»