Popular Bible Verses from 1 Korɛŋto 13

Share

Ŋɔŋ wɛ́ kəŋe ndzó ndzɔʼ yé nɛ́, tséʼé gbǎ ndzɔʼ, ŋgebɛ mvé, Mbé sháŋa ŋɔŋ pó, a tsé mbé tíʼɛ pó, a tsé mbé zhyɛ́ ntətoʼ pó. A tsé mbé zhyɛ́ no shʉyédme pó, a tsé mbé táʼa yɔ́b yɛ́ a kúŋɔ́ páb ye nɛ́ pó A tsé mbé pʉ̌ŋgye pó, a tsé mbé ywʉ́ʼɔ́ ŋɔŋ ndzó ndzɔʼ ye pó

A máʼa ŋkɔŋɔ vɔ̌no náá, mbzyɛ́ ŋkɔŋɔ no náá, shʉ́rɛ ŋkɔŋɔ no náá, gbaa ndzɔʼ ndúŋú ŋkɔŋɔ no náá.

A tsé mbé yebɛ ndúŋú mbwɔ̂ pó A ndɛ ndebɛ́ ndúŋú no ŋgerɛ́ŋged.

A ne ŋkhoʼyɔŋ, no yíkyéd yɔŋ náʼá ke mbɛɛ pé: Psyɛ́ndzɔʼ, shʉríne, kəŋe, Ntsʉ́ʼmbɛ ndzɔ́ʼɔ́ pɔ́b náá kɛ́ʼɛ́, kəŋe tsɛɛ ŋkɔŋɔ ye náá.

Kəŋe ndɛ mbé mye pó. Ntsóne kpaŋató Mboʼmvé náʼá tsɛ́bɛ́ taʼ zhyémve. Ntsóne mbziʼe mbziʼe nsó náʼá ké mbó tsɛ́bɛ́. Nyóʼó ne zɛ́no naʼ ké mbó tsɛ́bɛ́.

Mbɛ mə tsɔ̌ mbziʼe mbziʼe nsó, nsó pumésɔŋ, mbɛ nsó pɛ aŋgere, A pɛɛ yɛ́ mə ntséʼé kəŋe ndzó ndzɔʼ ya nɛ́ pó Mbǒ mə mbɛ́ɛ́ njʉ́ tʉ́ŋɔ́ yɛ́ a zuwɔ nɛ́, mbǒ mə mbɛ njʉ́ njʉŋɔ yɛ́ a zuwɔ nɛ́.

Mbɛ mə ntsɔ̌ kpaŋató Mboʼmvé, Ntsɛ́ʼɛ́ zé ndúŋú ŋkɔŋɔ meno ywʉ̂me náá, pwɛ ŋkɔŋɔ zɛ́no náá, Mbɛ mə ntsɛ́ʼɛ́ psyɛ́ndzɔʼ kəkwéʼe pe níŋ, Yɛ́ a sǔʼɔ pɛ́ ŋkə́ŋ nɛ́, a pɛɛ yɛ́ mə ntséʼé kəŋe ndzó ndzɔʼ ya nɛ́ pó, Mbǒ mə cyó yɔ́b pó.

Mbɛ mə ŋgɔbɔ ŋkɔŋɔ mɔ́b páá náá, pwó pɔŋ pɛ́ ndzye mbəb pɔ́b nɛ́, Mbɛ mə fɛ́ tsómvé ya ŋgâ pe tɔ́ŋ ya, A pɛɛ yɛ́ mə ntséʼé kəŋe ndzó ndzɔʼ ya nɛ́ pó, Mbǒ yéré tséʼé cyó ghebe ne mo pó.

Ŋkhoʼyɛ́ mə kɛ pé mɔ́ŋ nɛ́, mə tsɔ̌ njʉ́ mɔ́ŋ nɛ́, Mkpaŋató pé njʉ́ mɔ́ŋ nɛ́, ndɔ́ɔ́ zé pé njʉ́ mɔ́ŋ nɛ́. Ntsʉʼmbé, féré njʉ́ mə ŋgóʼ nɛ́, mə ntě ŋgyɛ̌no pɛ mɔ́ŋ.