Popular Bible Verses from Rawma iyi 5

Share

Ama Bizlaf kəgizenakwa za, ar mənaŋ viŋgey mbiŋ mə mbalanakwa: Almasihu kəməc za məŋgəvday nakwa, əŋ hala nakwa hedi mə ɗal hem iyi ndagwa.

Wulək kə lim məsəkəŋ ta seh, a kəbimenakwa səku, məŋgəvday Bizlaf kəɗiy mba wucum ŋga za əŋ nəf takwa iyi kəɗi əŋ Mimiɗ sə Kweɗek mbiŋ mə vəlanakwa.

Təday ta seh, nakwa iyi kəsəsəm kwa əŋ tuwah takwa iyi, məŋgəvday nakwa iyi kəsəŋ tuwah seh, a kədaha səɓ nəf. Səɓ nəf seh, a kəvəl fagay ley gar əŋ təl ma iyi, vəl fagay bahayim, a kədaha wulək kə lim məsəkəŋ.

Mənaŋ wa, Bizlaf kəɗiyanakwa za əŋ hedi sə delele iyi kəɗi əŋ kuw ma, mənjawa, nakwa iyi mə nji əŋ zahay abə mbiŋ kəɗi əŋ Bay Bayta takwa Yesu Almasihu. Kəɗi əŋ Yesu, nakwa iyi kəlim səntaŋ tə Bizlaf kəɗi əŋ kuw ma, abə səntaŋ ta, nakwa mə nji lawlaw. Nakwa iyi ɗiy səsəm takwa mbeh səku əŋ wulək kə lim məsəkəŋ əŋ ɓiz nakwa mə nda i lim əŋ səndawl tə Bizlaf.

Mənaŋ wa, əŋ hala nakwa mə nji mə tak fagay ndagwa seh, Almasihu kəməc za məŋgəvday hedi mə ɗal hem iyi əŋ hala Bizlaf mə gar waŋ ta.

Kəɗi a mbiŋ mə vəl talaŋ ŋga ley məc wa seh, mənjawa, nakwa kəmbaɗ za əŋ hedi sə delele iyi. Ar məndiwiŋ, nakwa iyi reh za kəɗi a mbiŋ a zəm nəf tə Bizlaf.

Kəɗi a waŋ talaŋ səku tə hedi sə ntaɗ wa, hedi iyi mbeh səku i kəndəv za əŋ hem. Mənaŋ mba bahayim, kəɗi a waŋ talaŋ tə hedi sə ntaɗ wa, hedi iyi mbeh səku i kəmbaɗ za əŋ hedi sə delele iyi.

Mə day wawa baha, nakwa iyi kəɗiy səsəm takwa a Bizlaf kəɗi a Bay Bayta takwa Yesu Almasihu, məŋgəvday a ɗek, mənjawa, nakwa kəzlar ndəra kwata abə Bizlaf.