Popular Bible Verses from Markus 13

Share

Hedi iyi fuk i kənda i ŋgələzaheni a nje seh halla məŋgəvday miya na. Ama hedi mə nda i ɓəs tuwah ta ha əŋ cukwaɗ ta seh, a reh za.»

Hi sla wucum, hi mba i waŋ səku, məŋgəvday hi kəsəŋ waŋ ta mə nda i gwaraha səku.

Əŋ tata i mə nda i deɓeheni a ma tə hedi mə mbəzl ma iyi seh, hi mba i wulək a məsəkəŋ heni mə nda i zlap səku. Ama əŋgah pis ta kəgwaraha za seh, Bizlaf a vəlaheni ma heni mə nda i zlap za əŋ hala ta mba, məŋgəvday ma iyi ta i kənda i ndaha kəɗi ndəra təheni seh halla, ama kəɗi Mimiɗ sə Kweɗek.

Lay tə wuzlaf abə lay tə teyek a cukwaɗ za, ama ma na a kənda i cukwaɗ halla səlak.»

«Ama hedi mə nda i səŋ waŋ ta, kwa ler ta seh halla, kwa mələɓ tə Bizlaf tə wuzlaf iyi, kwa Mbu bahayim a kənda i səŋ halla, sey Baba taataɗ ŋga mə səŋgu.

Əŋ heni kəzlim i kəzlap labara tə vərum sə guduk iyi abə sə mbehmbeh iyi, hi mba i ləndəŋ səku, məŋgəvday sey məsəkəŋ iyi ta i mə gwaraha za ndagwa, ama ar cukwaɗ tə məŋhayak səku ndagwa.

Abə dawaŋ ta izey, hi mba i waŋ səku, məŋgəvday heni kəsəŋ waŋ tə hedi lə ge mə nda i ziŋgehe səku. Kəganah abə məcukahw, aka səku abə ŋgəlak njaɗu, aka səku əŋ gwamzakw a kəja wula aka səku, abə kafa. Əŋgah a ziŋgehe abə huk seh, a mba i limeheni hi kəwaŋ səku. Ma sa mə zlapaheni wa, sa kəzlapaŋta əŋ hedi iyi fuk: Hi mba i waŋ səku!»

Hayak a ɗal vərəm za abə hayak məzəwindi, bay a ɗal vərəm za abə bay məzəwindi. Hayak a huɓəl za əŋ lay iyi par par, mətis bahayim a ɗal za. Məsəkəŋ iyi ta i ɗal za mənaŋ dəməs mə maraŋ əŋ wala ley mbuwaha.

Ama sey hedi tə əŋ məŋhayak iyi fuk i mə zlim Labara Səntaŋ Lawayaŋ za ndagwa.

Hedi iyi mbeh səku i ndaha za abə miya na, i nda i zlap, i zla: “Sa seh, sa Almasihu!” I nda i kuɗəp hedi iyi mbeh səku.

Ama heni seh, hi sla wucum a talaŋ təheni. Məŋgəvday i məlaheni za, i deɓeheni za əŋ lay kə mbəzl ma iyi. I kəlapaheni za əŋ biŋ iyi kə ɗal mbuh əŋ Bizlaf, i garaheni za a ma tə guverner iyi abə a ma tə bay iyi məŋgəvday sa, amba hi ɗal sedewe a talaŋ na a ma tata.

Məŋgəvday almasihu məndiwiŋ səku iyi abə hedi mə giz ma məndiwiŋ səku abə miya tə Bizlaf iyi i ndaha za. I nda i ɗal mazla səndawl iyi abə məsəkəŋ mə har hedi iyi mbeh səku amba ley kuɗəp hedi iyi, əŋgah i lim za seh kwa hedi mamay tə Bizlaf iyi.

Yesu a zlap baha, a zla: «Əŋ pis iyi ta mba, abə dawaŋ tə tuwah mənaŋ wawa seh, pis a ɗal ləvəŋ za, ntəra a kənda i waɗ aka səku ba, gəmzləɗ tə wuzlaf iyi i naha za, fagay tə wuzlaf iyi fuk i huɓəl za.