Popular Bible Verses from Kəzəɗ tə Mələɓ iyi 5

Share

Piyer abə mələɓ məzəwindi iyi i ziŋgeŋta zlap, i zla: «Nini waŋgaŋ talaŋ seh əŋ Bizlaf, əŋ hedi iyi səku.

A pis ta, a pis ta, i mbə əŋ biŋ tə Bizlaf abə a ge iyi, i kəyak ley sərək hedi iyi abə ley giz Labara Səntaŋ Lawayaŋ tə a talaŋ Yesu Almasihu seh halla.

Piyer a zlapaŋgu, a zla: «Ananiyas, hwa yak Sayɗanu amba mə təɗ əŋ nəf təkwa wa seh, məŋgəvday a mey? Hwa kəbərəslaŋ ma za əŋ Mimiɗ sə Kweɗek, hwa kəɓah dala tə lay hwa mə ber wa za. Mar hwa kəber lay ta halla, ar tə təkwa. Abə dawaŋ tə hwa kəberza za, dala ta seh tə təkwa səku vaw? Məŋgəvday a mey hwa sla wucum i ɗal kəzəɗ madawar wa? Hwa bərəsl ma wa seh əŋ nini səku, ama əŋ Bizlaf!» Əŋ Ananiyas mə zlim ma ta seh, a ndəv, ɓak a məc ŋga. Hedi mə zlim labara iyi ta fuk ləndəŋ səndawl kəɗalaŋta za.

Mənjawa, sa kəzlapaheni: hi mba i wulək a hedi iyi wa səku ba, hi yakta, i mə nda tata. Məŋgəvday əŋgah wulək tata abə kəzəɗ tata a ndaha a ndəra hedi iyi, aka səku a ndəra tata seh, i kuɗəp za. Ama əŋgah i ndaha a ndəra Bizlaf seh, heni gula i gayaŋta kəzəɗ tata halla. Hi sla wucum, məŋgəvday hi mba i jəm abə Bizlaf səku!» Hedi səndawl mə ɗal yawa kə mbəzl ma iyi i kəkuw ma tə Gamaliyel za.