Popular Bible Verses from Kəzəɗ tə Mələɓ iyi 1

Share

Ama heni lim fagay za əŋ Mimiɗ sə Kweɗek mə nda i bəreŋgehe əŋ talaŋ təheni. Abə dawaŋ ta izey, hi mbaɗ za əŋ hedi mə ɗal sedewe na iyi əŋ Urusalima, əŋ hayak tə Yahudiya iyi fuk abə əŋ hayak tə Samariya iyi, ha əŋ maɗ ma tə məŋhayak fuk.»

Yesu a ziŋgeŋta zlap, a zla: «Ma təheni ley səŋ pis ta, aka səku əŋ hala ta mə nda i gwaraha seh halla, məŋgəvday Baba na kəɗiyta cuza abə fagay ŋga.

Əŋ pis məzəwindi aka, Yesu a kəzəm wuda abə tata, a ŋgəzta, a zla: «Hi mba i nda guduk abə Urusalima səku, ama heni gəbar məsəkəŋ Baba mə nda i vəlaheni mənaŋ sa mə gizeheni sey. Yahwana a ɗalaŋta batem əŋ hedi iyi abə yim, ama heni seh, əŋ waŋ iyi kʉsit, heni lim batem za abə Mimiɗ sə Kweɗek.»

Abə dawaŋ tə tuwah mbiŋ mə sa ha əŋ məc ŋga, ar əŋ mələɓ iyi ta, a gizeŋta wucum abə ley gizeŋta məsəkəŋ iyi par par məndiwiŋ mbiŋ mbə abə nje. Əŋ waŋ ndəra nfaɗ mbə abə tata, a kəzlapaŋta ma tə Bay tə Bizlaf.

Abə dawaŋ tə Yesu kəcukwaɗ za ley zlap ma iyi wa, a gar ŋga əŋ wuzlaf, hedi tə a namba iyi i kəgəru ha mekwetene a surutu, i limʉ səku ba.

Əŋ tata i kəgər nje əŋ wuzlaf baha, əŋ lay Yesu mə nda seh, mbehmbeh mba, hedi iyi bək aka abə rukut sə kweɗek i mə geri a kelek tata, ɓa, i zlapaŋta əŋ mələɓ iyi sey, i zla: «Heni lə Galili iyi, heni mə nji a nawa ley gər nje əŋ wuzlaf seh məŋgəvday a mey? Yesu mə gar ŋga əŋ faŋw təheni əŋ wuzlaf wa, a ziŋgehe za mənaŋ heni mə limʉ mbiŋ mə nda ŋga əŋ wuzlaf wa.»