Popular Bible Verses from 2 Kɔlɛntiɛ́ŋ 4

Share

Dɛdɛguámba manda band ánaná, diguámba gɔg ɔmɔ́ bádiánáná. Ɔmɔ́ bánaná nyɛ gá mɔɔn wá gɛsɛgɛl, ɔmɔ́ bádiánáná gúgɛ́ga na bánamana.

Buád buanda didiábá na masɔlɔ́gɔgɔ. Ta duɔ́l dás ságaan siɔ siɔ, ɛdɛm saás guóndoon bɛŋɛ́lɛŋɔ́sio mɔɔ́s mem. Mɔɔn wa guɔ́bɛ́g dibianáná nɛ́nuán nyɛ gá mɔɔn wá gɛsɛgɛl, gúdiguégen na méŋeméŋe wa nugúm ná medúg mem diganúbia. Mɔɔ́n wa guɔ́bɛ́g uwaány gúdɛ́dábɔ́na gá gɛsɛgɛl igiány.

Didiguélúme na anama yá meyú gidigid ádiámanɛ́ná, ta anaány, diguámɛ́nanɛn, ta diákɛ́naan, ɛdɛm saás dɛbá sibuéŋídeny; ta bédísésenyi, anaány dɛguámba guɔyɛd ká Gɔdányá dɛbá nasɔ, ta bédínusenyi, bámabása bɔ́dídiɔ́n.

Basuá dɛbiananá bɔnɛ́m ubuány, dinyɛ anyɛ bɛsuá bá numa, ká band lɛns ká saá agasuá méŋeméŋe wa bugaga uwaány óloninó, aga Gɔdányá wúleniné.

bádiguádábán, gágual ká Gɔdányá wa gus egue mabɔ́gɛ́n nsiŋi sɔ́b na mbíne. Ulegeen bɔ́ ká bádián gise ɛgɛ́ Ndág ya Nsɔ́m ya nugúm ná Kilíse éŋené, agagá Gɔdányá bídíyenyé.

Gágual ká Gɔdányá mɔyɛ́d ká: Nsɛ́ gise segenyi agá mbíne! Ɔwɔ́ muát umáal ká gise segenyi ɛdɛm saás. Umáan bese ká wéŋin gise ká gílínsi nugúm nág núségédené ogóbusió bá Kilíse.