Popular Bible Verses from 1 Kɔlɛntiɛ́ŋ 13

Share

Mɔnd ulɛ́ganá bɔsɔ́gɔ́ guɔ́mínɔ́n, uguála bɔsɔ́gɔ́ bɛnɔ́g bá manda, udibá na yág, udigúbiɔ́yɔ, udigúbíbúlígényi, udiguála manda má ɔduɔ́ gɔnɔ́, udigúbídága gɔɔ́gɔ́ manda médúgúnené wɔ́ uwɔ́ eŋényé gusúg, udɛguɔ́bɔn ilób, udɛgɔ́bɛ́dɛ́ganɛn agág gá ɔdɛm

ugútɛ́nanɛn gá buanda gidigid, uguádábaan wond wágaán ɔdɛm bɛsɛgɛl gidigid, ubiádɛganɛn agá ɔdɛm gá buanda gidigid.

udigúbísimenyi buanda bá bɔbɛ maál sɔ́gɔ́, uguɔ́bɔn bese gɔ́g ná meliŋítas

Agá meliŋítas, manda nyɛ mádadɔ mádiámanáná, mányɛ ká, digabaan nobusió na guádábaan Gɔdányá, na guágaan ɔdɛm, na gulɛ́ga bɔsɔ́gɔ́. Agá manda mádadɔ amaány, buanda búdɔ́mbaná manda má mandɛ nyɛ́ ɛlɛ́ga.

Ɛlɛ́ga digúmanan. Moóny má mubús má Gɔdányá ánúmán buɔs, gugála manamanyá má megélídié ánúmán, gɔlɛns man.

Ta ngálá megélídié má bunyɛ band na má ɛngɛlɛs, ímáal ndibiánán ɛlɛ́ga, inyɛ nŋóŋ igélígelié, ta ɔ́g ká ebenge úgálágalá.

Ímébuse moóny agá ɔfɛ́n wá Gɔdányá, nsɔ́ŋɔ́na ubú búnyá buɔsɛ́gɔ́n, mbianan gɔlɛns gidigid, mbianan guádáb gúnyá duúmé gúmfánaná magɛ́nda má gúbála dɔgɔnd, ímáal ndibiánán ɛlɛ́ga, ndɛbá ta buanda.

Ímɔ́gɔ́l bunɛ́m bám gidigid ká yáfaan band bádiábiánáná yond nnɛɛn nuɔ́l ká nuɔ́bɛ́g, mmáal ndibiánán ɛlɛ́ga, ndɛgúdáŋába ta buanda.

Anyɛ́ imáabá mɔ́nɔmbɔ, imabá ngála anɛ mɔ́nɔmbɔ, mbɛ́dága anɛ mɔ́nɔmbɔ, yanɔná anɛ mɔ́nɔmbɔ. Nɛ́nuán anyɛ́ nganyá agumáná, ngutɛɛ́n duábayuá.