Popular Bible Verses from Markus 13

Share

Həji aagi atsakhuni wən tiwtiw dawna sa. Ama ala ma sakw ꞌunəf bəza, a vaŋ ata kwakuɗaŋ tə, ala watsa a aɗa reh.

Yesu iŋgaya: «Huni mbəla ŋkwaɓ, huni ɗiw a wan kuni səku, ara ndə a ɗa, huni kasən vah watsa səku.

Ndə aa kaajaɓahuni ata guma, huni ɗiw deŋ ma ndə huni kaazlapəs. Ma ndə huni kaaghalə a tsutsa, a andaha ara hunis, ama ma ndə Bizlaf a avəlahuni, huni alima a tsutsa tsutsa. Ara ndə a ɗa, ma ndə huni kazlapə, a andaha ara Miɗ ma ghwaɗeɗe.

La ma ndza a wəzlaf abə la ma ndza ata hayak, aagi akəɗaŋ ta, ama ma naka a kaakəɗaŋ səku.»

Ama, ma vah watsa, aka səku, ler watsa, kwa ala a kasən akas, kwa matəf Bizlaf ma ndza a wəzlaf aagi, kwa Mbə həji ma dəgnak, ala a kasən akas, səy Vava.

Huni aɓin a zlima zlap ma ndza ata ghəm aagi, ma kaɗa slaɓ slaɓ abəra huni, abə ma gədək abəra huni, huni ɗiw a ɗal ŋzliŋ səku, səy sha maɗal ikwa, ama sha ana kəɗaŋ manahayak kwagwa səku.

Ikwa azha meni, huni ndza abə nja, ara ndə huni ŋkula sən vah ndə cina jak a kaandaha, kata ma ŋtsəɓahw, aka səku bay zaɗə, kata, ndə gamzakw a kadza wəla ataa dəylakwaf, kata a kwaf biŋ. Andza a zhinha hək, ara a andaha a gərahuni, huni tawan kuni. Səkən ndə sa kaghalahuni watsə, sa ghalatana ikwa a həji aagi tiwtiw, huni ɗiw a wan kunis.»

Həji ndiɓi aagi, aagi adza kusəm abə shiŋ həji ndiɓi aagi, hayak minja a adza kusəm abə hayak minja, hayak a anaana dagala, mintish a aɗal, a andza andza yaka ndə wala a kaɗiw a mbəw tə.

Səy həji aagi aa mazlima Ma wiyə ma təwah bəza tiwtiw.

Həji ndiɓi aagi vərəm, aagi andaha ata zləm naka, aagi azlapahuni: «Sa ana Kərist!» Aagi aghut həji aagi ka vərəm.

Huni mbəla ŋkwaɓ aska ha kuni. Aagi avəlahuni a madzam guma aagi, aagi agəzlahuni a ŋge a jak ta tarha Yahuda aagi, aagi ajaɓahuni atama həji ma ndza aha hayak aagi, abə bay aagi dawna sa. Huni ana ma kaghal səkən ndə huni gəra abə səkən ndə huni zlima ata sa aagi atama ta.

Kərist ma gamak aagi abə maɗaf ma Bizlaf ma gamak aagi, aagi andaha, aagi aɗal tsaɓan abə səkən ndə həji kaghərəŋ a heɗe aagi, aska a ghutahuni, andza aa kula meni, kwa həji ndə Bizlaf a dəmata aagi.

«Ama ma vah watsa, a diwzha yaka watsa, pish a adzəɓ tə, ŋtəra a kaaɓal aka zhanas, gəmzla aagi azaha ta a bəza a wəzəm a wəzlaf, ɓərɓər ma ndza a wəzlaf aagi akusah.