Popular Bible Verses from Yahwana 21

Share

A diwzha ndə aa zəm wəda bəza, Yesu dəba a azlapanə a Simun Piyer, iŋgaya: «Simun, mbə Yahwana, hwa mayaka dəy aha həji watsə aagi vəw?» Zhin a zhinanə, iŋgaya: «Ayəw, Bay Madagal! Hwa kasənə, sa kamayahu.» Yesu a zlapanə iŋgaya: «Tsaka nja ata wəzhi ŋcimi naka watsə aagi katkadək,» iy. Zhana, ɗiw a ɗiwzə a magbak tə, iŋgaya: «Simun, mbə Yahwana, hwa kamayaka vəw?» Piyer a zhinanə, iŋgaya: «Ayəw hwa kasənə, sa kamayahu Bay Madagal.» Yesu i kəsha iŋgaya: «Hwa ɗa mbə njin ataa ghəl ŋcimi naka aagi.» Zhana wəruk, ɗiw a ɗiwzə a mamahkaɗ tə, iŋgaya: «Simun, mbə Yahwana, hwa kamayaka vəw?» Piyer təlish a ghuɗek tə ara ndə Yesu a ɗiwzə zhin mamahkaɗ, iŋgaya: «Hwa kamayaka vəw?» iy. Azha a zhinanə, iŋgaya: «Bay Madagal, hwa ma kasən səkən aagi tiwtiw, hwa kasənə katkadək ya, sa kamayahu!» Azha, Yesu a zlapanə, iŋgaya: «Zəmaka ɗir a ghəl ŋcimi naka watsə aagi katkadək.

Sa zlapahu, a ɗa ŋter ŋter: Tiɗa ndə hwa kaɗa dərlaŋ, hwa abə ha kwa ma kadzaw kanda kwa, azha, hwa nda ata la ndə hwa ɗiwi. Ama tiɗa ndə hwa kaaŋgəl kwa, hwa akaf ra, ala maparam ma kaandaha a dzawahu kanda kwa, a ajaɓahu ata la ndə hwa ŋkula aji.»

A zlapatana, iŋgaya: «Huni fak kadara gwara ata guva zəm ataa gəlmbə ma dagal azha huni alima.» Fak aa fak kadara, aa tambəla ŋkilif ghef a mən, njiwaha takum ara təmta.

Simun Piyer zlap a zlapatana, iŋgaya: «Sa nda naka a mbəlaha ŋkilif,» iy. Aa zlapanə aagi iŋgaya: «Kiyzaŋkwa a nda tiwtiw,» aagiy. Tsaw aa ndaa, takaf aa taf ata gəlmbə ma dagal. Ama, abə zaɗə watsa, kwa aa taji səkən aara akas.