Popular Bible Verses from Rawma ege 8

Share

Heje kasan ca, Gazlavay a kala səkan ege tewtew, ndar hejəye maa əy kaɗawaw ege, əy nja kadak. Hejəye anta ege ca, ara hejəye mayaya ege ana maa a deŋza ŋ law.

Ayaw, sa kasan njenjəwen, səkan ma kanala kula aza ŋtezaheje a laɗaw anta ca, askwaw, kaw mac, kaw lanja, kaw malaɓ Gazlavay ege, kaw zaɓəla ege, kaw ma na ŋgha, kaw ma kanandaha, kaw ɓardakw ma mgba ata uzlaf, kaw ma ata hayak, kaw səkan vemey mababa, kaw səkan ma kanala kula aza ŋ ɓevzaheje ŋ laɗaw mala Gazlavay maa a ghwalaza ŋ Yesu Almasəyhu, Bay Madakal ŋtakwaw ca, askwaw.

Ana mbe yam, ana maa Zəwet Gazlavay a kacakzaheje, mavəday heje ɓarɓar ŋ lalam, askwaw. Heje kasan ŋ rak Gazlavay a heɗe a heɗe, səkwaw. Cemey, Zəwet ma keweɗ, a ha anta a karak Gazlavay mavəday, ŋtakwaw, a ka zezem ma kaw heje kula ŋ zlapaza ma anta səkwaw.

Na ŋgha ca, heje nazlap zeney ca, vaŋgay? Mada Gazlavay mbəy ara heje ca, ma kanala kula ŋ ɗa gham a heje vayay?

Na ŋgha eze ca, kaw guma a kanambalata hejəye ma kéjeveye ŋ Yesu Almasəyhu ege, askwaw.

Mada ɗala a kasəbar ŋ la səkan ana maa kusam anta a kaɗaw ca, heje anta a namac. Cemey, mada ɗala a kasəbar ŋ la səkan ana maa Zəwet ma keweɗ, a kaɗaw ca, heje anta a nelem lanja ey zəhay.

Cemey, ŋ səkan ŋghe anta ege tewtew ca, heje kándavzata aza mambaza ta ŋ ɗala maa káɗawaheje aza.

Sa kedeŋza ca, gef ŋtakwaw ege ma na ŋgha, njenjəwen ca, əy kanahwas ŋ slaŋgal a ɓardakw maa Gazlavay a kanaghwalaheje, səkwaw.

Ana ebe ŋghe ca, ma kula ŋ ŋtezaheje aza, a laɗaw mala Almasəyhu vayay? Ŋgwav vaw, laslaɗ ha vaw, ŋgwesem vaw, metes vaw, metetekw vaw, lakuɗap vaw, askwaw ca, masalam vaw?

Gazlavay ma kasan səkan ma ŋ unaf ɗala, a kasan səkan maa Zəwet ma keweɗ a kampamaw, mavəday Zəwet a karak Gazlavay ata hejəye anta ege ma tuwah ca, ana maa Gazlavay anta a kaɗawaw.

Cemey, hejəye tewtew maa Zəwet mala Gazlavay a kecetene ma ege ca, ara uzəye mala Gazlavay ege.

Cemey, hejəye ma kala səkan ege ana maa kusam tata ege, əy kaɗawata ca, əy valza ha tata ege aka ca, ŋ səkan ege maa kusam tata ege, əy kaɗawata. Hejəye ma kasəbar Zəwet ma keweɗ ege ca, əy wenzene ha aka ca, ŋ səkan ege maa Zəwet ma keweɗ a kaɗawata.

Gazlavay kégeɓza Mba anta aka ŋ sa gef, kávalza aza ŋ mac mavəday ŋtakwaw tewtew. Ana ebe ŋghe ca, səkan maa a kanavalaheje aza tewtew, a Mba anta, səkwaw ca, vemey?

Zəwet Gazlavay a ha anta a kaghwalza njenjəwen, heje uzəye mala Gazlavay ege. Ayaw, heje ca, heje uzəye mala Gazlavay ege. Ana ebe ŋghe, heje nelem səkan maa a zlap, a neveletene ŋ hejəye anta ege wese yam. Heje nelem səkan a Almasəyhu. Mada heje kasakwaw, gef njenjəwen a Almasəyhu ca, heje nelem ɓardakw anta maa a lem yam.

Hejəye ma kasəbar ŋ la səkan ege ana maa kusam tata ege, əy kaɗawata ca, ara tata hejəye ma kaŋgəlay nje a Gazlavay ege, səkwaw. Əy kewenzene ha aka ŋ ma maŋkanaŋkan mala Gazlavay, səkwaw, kaw əy kanala kula, səkwaw.

Səkan ege tewtew maa Gazlavay a bata, əy kaɗaw vah maa Gazlavay a kanaghwalaza ɓardakw mala uzəye anta ege wese ca, mandaha kəcaŋ.

Cemey, heje kasan ca, ha na ŋgha zeney, səkan ege tewtew maa Gazlavay a bata, əy kasa gef, əy kahan ana wala ma kusah.