Popular Bible Verses from Mata 5

Share

Ɗala a kenef kwahwaw ata patarla ŋ ca ka asa ɗawar ca, askwaw! A naca ka ca, ata səkan ma ata ca patarla ndar a weɗ la ata hejəye ma ata varvara ge ege tewtew. Ana ebe ŋghe, səy hune weɗ la a tama hejəye, ndar əy gəre zlan ŋkune ma taŋtaŋ ege, əy həmanza Cehw ŋkune Gazlavay ma mgba ata uzlaf.

Hune ca, hune hejəye ma keweɗ la ege ŋ manhayak. Uzam malamalam ata barla ca, a kedeh səkwaw.

Zəhay mbəy ata hejəye maa unaf tata ege əy keweɗ, mavəday əy negəre Gazlavay!

Zəhay mbəy ata hejəye maa metes a kajata ŋ la səkan maa Gazlavay a kaɗawata ege, mavəday, əy nelem səkan anta!

Cemey, a naka ca, sa kazlapahune, hune ɗawata hejəye ma kaɗaw ŋ gərehune ata nje səkwaw ege, hune rak Gazlavay ata hejəye ma kasahune gef ege.

Aya, a zlepetene, a ŋgaya: Zəhay mbəy ata hejəye ma kasan tata metetekw ege, ŋ unaf tata ege, mavəday, Lazam bay ma mgba ata uzlaf ca, mala a tata.

Zəhay mbəy ata hejəye ma kampam ŋ javata hejəye ŋ nja a zəhay ege, mavəday Gazlavay a nayata a uzəye anta ege!

Zəhay mbəy ata hejəye ma kahan ege, mavəday Gazlavay a nedeɓetene unaf aka!

Zəhay mbəy ata hejəye maa əy kesetene gef ege, mavəday əy kala səkan ma taŋtaŋ. Ayaw, Lazam bay ma mgba ata uzlaf ca, mala a tata!

Zəhay mbəy ata hejəye ma kasan hahar ata hejəye, mavəday Gazlavay a nesenzetene hahar!

Zəhay mbəy ata hune, hune hejəye maa əy karahune ege, maa əy kasahune gef leŋ maa əy kazla metəwle ata hune, a zlap ma kadak səkwaw ege, mavəday maa hune kálamza ma naka aza! Hune sasam mambaza, mavəday Gazlavay káslahune laŋtar ma dakal aka mgba ata uzlaf. Cemey, əy setene gef ŋ uzəye ma zlap ma mala Gazlavay ma mpar aha hune ege ca, ana ebe ŋghe.

Zəhay mbəy ata hejəye ma ɗekɗek ege, mavəday Gazlavay a neveletene hayak ana maa a zlap!

Hune ca, hune mabanban mala manhayak ege. Cemey, mada mabanban anta barbar zeney səkwaw ca, əy nasan ŋ zenzene ma barbar anta ka zeney ca, vaŋgay? Mabanban anta ca, kadak zeney səkwaw, əy natamza aza a bəza, hejəye əy nadak ŋgas a heɗe.

Cemey, hune nja hune hejəye ma kala səkan a heɗe a heɗe ege, ana Cehw ŋkune ma mgba ata uzlaf ma kala səkan a heɗe a heɗe yam.»

Mada ma anta a nja ana mbe ca, hune zlap, a nja ana mbe. Cemey, mada ma anta a nja ana mbe səkwaw ca, hune zlap, a nja ana mbe səkwaw. Ma maa hune kanazlap day aha ebe ŋghe ca, a ndaha aka ara Malula.

Yesu a zlap, a ŋgaya: Hune kézləme, əy kazlap, əy ŋgaya: “Mada ɗala kájaslahwaw nje ŋkwa aza ca, səy hwa jeslene mala anta aza yam. Mada ɗala káŋgahwaw zləɗeŋ ŋkwa aza ca, səy hwa ŋgene mala anta aza yam.” Cemey, a naka ca, sa kazlapahune, mada ɗala kálahune gay ca, hune ɗaw ŋ man səkwaw. Karba mada ɗala a jahwaw ata barzlazlam kəva zam ca, bewzene barzlazlam kəva gula zeney.

Mada nje kəva zam ŋkwa ma kabaɗzahwaw ŋ la gay ca, hweslekza, nahza aza gədak a hwa. Cemey, zukwan lazav kusam ŋkwa teŋguleŋ mefətek anta, aha maa əy kananahza kusam ŋkwa aza tewtew ŋ kwahwaw ma kamac səkwaw. Mada ra zam ŋkwa ma baɗzahwaw ŋ la gay ca, razlza, nahza aza gədak a hwa. Zukwan lazav kusam ŋkwa teŋguleŋ mefətek, aha maa əy kananahza kusam ŋkwa aza tewtew ŋ kwahwaw ma kamac səkwaw.