Popular Bible Verses from Zlan mala malaɓ ege 9

Share

Cemey, Bay Madakal a zlepene ŋ Ananəyas wese, a ŋgaya: «Gwarzam, nda, mavəday sa kámay heje ŋghe anta aza, ndar a la zlan naka, a ghwelzetene ŋ hejəye maa tata Yahudu ege səkwaw, ŋ bay tata ege leŋ ŋ hejəye Əysərayəyla ege, əy mesenekey.

A təwse ca, a ndav ata hayak, aya, a zləme ula ɗala a kayaɓa, a kezlepene, a ŋgaya: «Sawl, Sawl, hwa sekey gef ana ebe ŋghe ca, ŋ vay?» Sawl wese, a ɗawza, a ŋgaya: «Hwa vayay, Bay Madakal?» Aya, ula wese a zenene, a ŋgaya: «Ara sa, Yesu, maa hwa kesene gef wese.

Aya, Ananəyas a gwarzam, a nda. A hwas a wata wese, a ndewzene ŋ Sawl. A təwse ca, a ca ra anta ata ha Sawl anta, a zlepene, a ŋgaya: «Sawl, zlana, ara Bay Madakal Yesu ma leɓekey ara hwa. Ara mbe ma ghwalahwaw kusam anta ata taf maa hwa kandaha ete ŋghe wese. A leɓekey ca, ndar hwa zen ŋ gəre la zeney, ndar Gazlavay a ghefzahwaw a Zəwet ma keweɗ.» Kəɗe ca, səkan ana dawan ŋkəlef ege, əy naha ŋ nje Sawl, a təwse a təwse, nje anta a zlar anta. A gwarzam, a lem laban a yam baptəysma.