Popular Bible Verses from Zlan mala malaɓ ege 1

Share

Cemey, a pes maa Zəwet ma keweɗ a kanatadakwha ata hune ca, hune nelem ɓarɓar anta. Aya, ara hune ma kanazlap ma ata sa ŋ hejəye ma ŋ Urusaləyma ege, ŋ hejəye ma ŋ hayak Yahudəya ege tewtew ey ŋ hejəye ma ŋ Samarəya ege leŋ ŋ hejəye ma a manhayak ege tewtew.»

Aya, Yesu a zenetene, a ŋgaya: «Ŋ san pes anta ege ey vah anta ege ca, ara ma ŋkune səkwaw, cemey, ara Vana Gazlavay teŋguleŋ anta mbəy ma cata a ɓarɓar anta.

A pes wende aka, ata Yesu ey malaɓ anta ege əy kazam uda ŋ la anta, a təwse ca, a ŋgazata, a zlepetene, a ŋgaya: «Hune nja ka ŋ Urusaləyma ete ŋghe, hune ŋkap səkan maa Vana Gazlavay a zlap ŋ valahune, ana maa sa ghwalzahune wese. Yuhana ca, kábanata hejəye, a yam baptəysma, cemey, ata wan ege cekuɗe ete ŋghe ca, əy nabanahune a Zəwet ma keweɗ.»

Aya, a dəwze gef ege maa a sata ey lamac anta ca, a keghweletene kusam kadak kadak ta ŋ lala səkan ege vedəye vedəye, ndar əy san njenjəwen ca, mbəy nje. Wan raŋfaɗ, a keghweletene kusam, a kezlepetene ata lazam Bay mala Gazlavay.

A dəwze maa káŋtakwza zlap aza ca, Gazlavay ŋta a ŋtaza mgba ata uzlaf. A təwse ca, malaɓ ma a həzlar ege wese, əy kasarza ha mahwabakw a jaɓza.

Maa malaɓ ege wese əy kasar la maa a kanda anta mgba ata uzlaf wese ca, kəɗe ca, mawal ege gbak əy kégereye a həzlar tata, rəgwac ma pepeɗek ata kusam tata. Aya, əy zlepetene, əy ŋgaya: «Hune hejəye Galəyləy ege, hune nja ka ŋ sar la mgba ata uzlaf ende ŋghe ca, mavəday vemey? Yesu maa Gazlavay a ŋtaza ŋ taba ŋkune kəɗe mgba ata uzlaf ŋghe ca, a nezenha ana maa hune gəre maa a nda anta kəɗe mgba ata uzlaf wese.»