Popular Bible Verses from 2 Korénte 4

Share

Visó, to ta sɔsɔ́ até éyé vá ámó wená, vedá to sɔsɔmó mamba ámá vá ta ená. Esené até éyé vá ámó wená é ta riye téé, vedá mamba ámá vá ta ená má ámó ka na mamana.

Wandá mwané kówo to ta sɔmó nótó. Kó ítɔɔ notó ra visó yo vanyá egeré egeré, até éyé é ámó naáté yá visó é bundámó bɛ́ŋ mkpámáká isí yimé. Esené vitɔwɔ vyá visó íví tetee ojó ví ta nywá, kó ví ámó ɔ́wɔ́ bɛ́ŋ na mwaná wa itíndíkáná, vedá vitɔwɔ mwané ví káte só heéhendena ekáné yá niimí. Niimí mwané no ta mó mana, kó nó cákámó waŋgá otómbá vitɔwɔ vyá visó.

Vato vá só bɔjɔmó pere iŋgímé, vedá vá ta só gorá. Vá só hwámó vindíndiŋ mbunu, vedá to ta yɔmbɔ́. Vá só tuúriyámó, vedá Irɔŋgɔ a ta só céŋgítyé. Vá só umbámó na cí, vedá vá ta hítí o só oná.

Vedá visó ává to byámó ekáné yá nukú mé mwané, to ámó amó va pána vá noma. Naná wó enéyámó wusi na wusi anáá ekáné yá ŋguru mwané yo endámó uré na Irɔŋgɔ, até na visó.

ává vá ta atɔ́wɔ́ esene éyé ombé wa sambé ójó na cí ra ndono ejé a ma búndyé peyɔ rawó uŋgewu. Ɔ́wɔ́ vá ta ená ámó ineŋgí éyé naáté yá Usi wa Cómó é nanjámó. Wó ámó ineŋgí yá niimí ná Kirítu, ómwané ójó a ámó eheere yá Irɔŋgɔ.

Irɔŋgɔ a ma járá anáá: «Ŋgá ineŋgí é nóma naáté yá mbínó!» Kó ómwané maté kójo a ma nomá naáté yá etémá ra visó. A ma diŋgé anáá a só tíhíye ineŋgí, índi to jembe niimí náa éné nó nanjámó na móndá ra Kirítu.