Popular Bible Verses from Romanos 10

Share

Mʉjã mʉjãya ʉseromenarã Jesucristore “ʉ̃sã Nirũpʉ̃rã ñawĩ” ĩrã, tairora mʉjãya yeripũnamenarã “Manigʉ̃rã Jesucristore cõwõãrigʉpʉre masõgatiyi” ĩ wedewõrã Manigʉ̃rẽ cametʉoyora nirã earoacu.

Merẽ marĩya yeripũnapʉmenarã Jesucristore marĩcã queoro wedewõrẽ cʉoñerõcãrã Manigʉ̃ marĩrẽ “mʉjã ñurã wapa cʉoherara abiro ña” ĩ ĩñawĩ. Tairora marĩya ʉseromenarã Jesucristore “marĩ Nirũpʉ̃rã ñawĩ” ĩ Manigʉ̃rẽ cametʉoyoanapʉ nirã earadara.

Tairo tiro Jesucristoye ñurẽ quetire wedeñerõcã tʉoremenape queoro wedewõrẽ wati, tie ñurẽ queti wederere tʉorepe Jesucristoye maquẽrẽ wederera ña.

Manigʉ̃ye wederucũrẽrẽ ojayoriapũpʉre abiro ĩrẽ ña: «Cʉ̃rẽ wedewõgʉ̃ “burijorora cʉ̃rẽ wedewõwʉ̃” ĩherigawi» ĩ. Manigʉ̃rã nipetira nirũpʉ̃ ñawĩ. Tairo tigʉ judío basocare, judío basoca niherare ĩcãrõpe ĩñagʉ̃ ñawĩ. Tairora nipetirare cʉ̃rẽ wedewõrẽmena sãĩrãnorẽ paca ñurẽrẽ cʉogʉ ninigʉ̃ pairo nʉniwĩ. Merẽ Manigʉ̃ye wederucũrẽrẽ ojayoriapũpʉ abiro ojayore ña: «“Nirũpʉ̃ yʉre cametʉoya” ĩrãnorẽ Manigʉ̃ nipetirare cametʉogʉagawi» ĩ.

Cʉ̃cã cʉ̃ye quetire wededoticoribasoca niãnarẽ ticohericapetacãrã ¿noãnope cʉ̃ye ñurẽ quetire wedemasĩrã wabogari? Merẽ Manigʉ̃ye wederucũrẽrẽ ojayoriapũpʉ abiro ĩ: «Manigʉ̃ye ñurẽ quetire neãtigʉcã eañerõcã ʉseare nicametʉasu» ĩ ojayore ña.

Buri atiecã abiro ĩmocãcapetacãrã cʉ̃jã Jesucristore wedewõrãrupe ¿Manigʉ̃rẽ ʉ̃sãrẽ mʉ cametʉoya ĩ sãĩmasĩbogari? ¿Dairo ti cʉ̃jã cʉ̃rẽ wedewõrã eabogari cʉ̃ye quetire wedeñerõcã tʉohericaperacãrã? ¿Cʉ̃ye quetire wederanocã maniñerõcã ñenopere tʉobogari?

Merẽ cʉ̃ Cristora Moisére dotire cũriguere queoro tiyapatituwanʉcõ tojorora tiere eañerõcã tirigʉ niwĩ. Cʉ̃cã tairo tiriasiro niñerõcãrã Manigʉ̃ Jesucristore wedewõrẽ cʉora eañerõcãpere ñurã wapa cʉoherara abiro nirã eañerõcã yawí.