Popular Bible Verses from Marcos 4

Share

Cʉ̃jãcã tairo ĩñerõcã tʉogʉ Jesús wʉmʉnʉcã wĩnorẽ, ocoturire nʉcʉ̃ãdotiyugʉ. Abiro ĩyugʉ: —¡Nʉcʉ̃ãña! Cʉ̃cã tairo ĩrẽmenarã tie nʉcʉ̃ãduiapetiasuyuro. Tosiro Jesús cʉ̃ buerare ĩyugʉ: —¿Dairo tira tocãrõ ʉcʉari? ¿Marĩcʉ̃ mʉjã yʉre wedewõrẽ cʉoherijomocãrĩ? ―ĩyugʉ Jesús.

Cʉ̃jã cʉ̃cã tairo tirere ĩñaʉcʉanirã cʉ̃jãbasurupe came sãĩñayura: —¿Daigʉno basocʉ ñarĩ ãni tocãrõ tutuare cʉogʉ? Cʉ̃rẽ wĩnopʉra, ocoturipʉra ñurõ yʉ ―ĩyura.

Tairo biatosʉguero Jesúpe waturopʉ wanigʉ̃ cʉ̃ya dʉpowʉre ẽõturomena ẽõtunigʉ̃ canisãsuyugʉ. Tairo tira tora abiro biñerõcã ĩñarã cʉ̃ buera cʉ̃rẽ wãcõrã abiro ĩyura: —¿Ʉ̃sã Buegʉ, mʉ ĩñaheriri? ¡Marĩ miniduiarapʉ ya! ―ĩyura Jesúre.

Cʉ̃jãrẽ abiro ĩñemoyugʉ tamʉ: —¡Mʉjã yʉcã wederere tʉora ñurõ tʉomasĩ ĩñamasĩnʉcõña! Yʉcã wederere pẽrõgãrã masĩrugañerõcã Manigʉ̃ tocãrõgãrã masĩñerõcã tigʉagawi. Pairo masĩrugaremena õpe tiere ñurõ tiwʉmʉãñerõcã Manigʉ̃ tiwãmerã pairo masĩñerõcã tigʉagawi. Ñurõ tʉorare Manigʉ̃ sotoa ñurẽ tʉomasĩrẽrẽ nʉninemogʉagawi.

Jesús abiro ĩtuwa, apeye queoremena abiro ĩ buenemoyugʉ tamʉ: —Manigʉ̃cã cʉ̃yarare dotire ĩcʉ̃ basocʉ ditaropʉ otecapere oterora abiro bi. Cʉ̃cã canirĩwatoa, cʉ̃cã caniheriwatoacãrẽ, ñami niñerõcãrẽ, bʉreco niñerõcãcãrẽ tiebasurupera wiati, bʉtimʉã biga cʉ̃cã ‘tairo biro tiga’ ĩmasĩhericapetacãrã.

Mʉjã atiere tʉore wado tʉoherimocãña. Ñurõ tʉoya ―ĩyugʉ Jesús.