Popular Bible Verses from Marcos 10

Share

Merẽ yʉ Nipetira Sõwʉ̃cã basocare titamuãro ĩgʉ̃merã watiwʉ; buripe cʉ̃jãrẽ yʉpe titamu, pajʉ basocare yʉcã cõwõãrẽmena cʉ̃jãcã ñañarẽ tirigue wapare wapatibosagʉ watigʉ tiwʉ ―ĩyugʉ Jesús.

Jesús ʉ̃sã diamacãrẽ ĩñacõã abiro ĩwĩ: —Basocapʉare dairo timasĩñamani wisiojomocã.

Jesús cʉ̃rẽ ĩyugʉ: —Mʉ yʉre wedewõrẽrẽ cʉonigʉ̃ caperi ĩñabʉañerõcã tiyogʉ ea. Ñurõ waya ―ĩyugʉ. Cʉ̃cã tairo ĩrẽmenarã caperi ĩñabʉahegʉ nimoãrigʉ caperi ĩñabʉagʉ pʉtʉagʉ eanigʉ̃ tosiromenarã Jesúre mapʉ quetatuwʉmʉãyugʉ.

Tairo tiro anorã abiro Manigʉ̃pʉra cʉ̃jã pʉ̃ãrãrẽ ĩcã ũpʉ̃rã pʉtʉara eañerõcã tiyoriasiro niñerõcãrã manʉ nigʉ̃rẽ cʉ̃ nʉmorẽ cõãdotiheri ―ĩyugʉ Jesús.

Jesús cʉ̃rẽ maĩrẽmena ĩña, abiro yʉyugʉ: —Mʉrẽ marĩcʉ̃ ĩcãwãme dʉsa: mʉcã cʉorere duapetimocãgʉ̃ waya. Mʉcã tiere dua, wapatariguere bopacarare nʉniña. Mʉ atiere tigʉ ʉmʉãwesepʉre paje bʉere ñurẽrẽ cʉogʉacu. Tituwanʉcõnigʉ̃ yʉre quetatuya ―ĩyugʉ.

Cʉ̃ cʉtiropʉ eanʉcãgʉ̃ eañerõcã Jesús cʉ̃rẽ sãĩñayugʉ: —¿Ñenorẽ tiñerõcã bori mʉ? ―ĩyugʉ. Caperi bauyohegʉ yʉyugʉ: —Nirũpʉ̃, ya caperi yʉre bauñerõcã boga ―ĩyugʉ.

Buri mʉjãwatoapere cʉ̃jãrã abiro tireno manimocãrõ bo. Buripe mʉjãwatoapʉre nirũpʉ̃rã nirugagʉ ĩcʉ̃ mʉjãrẽ padedecotegʉra abiro nigʉ̃ niro bo.

Yʉ mʉjãrẽ atiere diamacãrã wede: ãnijã wĩmarãcã tirora abiro yʉre wedewõrugahegʉno icãta pẽrõgãno Manigʉ̃cã cʉ̃yarare dotiropʉre sãwaherigawi ―ĩyugʉ.

Buri marĩcʉorogãrẽ pajʉ nirũpãrãrã abiro nirã siropʉre buri nira pʉtʉara earagawa. Buri marĩcʉorore pajʉ buri nirãpe siropʉre nirũpãrãrã abiro pʉtʉara earagawa ―ĩyugʉ Jesús.

Buri Manigʉ̃ mamarõpʉra nipetirere cʉ̃cã tisocoriawatoapʉra ʉmʉrẽ, nomiõrẽ tirigʉ niwĩ cʉ̃jãcã pʉ̃ãrã ñurõ ĩcãrõrã nirucũãtora abiro. «Tairo tigʉ ʉmʉ cʉ̃ pacʉre, cʉ̃ pacore dicawatigʉagawi merĩã cʉ̃ nʉmomenape ĩcãrõrã nigʉ̃ eagʉdagʉ. Anorã abiro cʉ̃jã pʉ̃ãrã ĩcã ũpʉ̃rã abiro pʉtʉara ea» ĩyugʉ Manigʉ̃. Tairo tira pʉ̃ãrãpʉra abiro niheriwa; ĩcã ũpʉ̃rã abiro ñawã.