Popular Bible Verses from Mateo 3

Share

Mʉjã ‘Ʉ̃sãcã ñañarẽ tirecʉtirere wãcũpasʉtiawʉ, ñañarõ wãcũrẽrẽ wasoawʉ’ ĩrã mʉjãcã ñañarẽ tirecʉtirere piti ñurẽpere tiya.

Tairo wariwatoa Manigʉ̃ ʉmʉãwesepʉmena abiro wederucũdujiocoyugʉ: “Ãni ñawĩ yʉmacʉ̃ yʉcã bʉtoro maĩyogʉ. Cʉ̃mena bʉtoro ʉsea” ĩyugʉ.

Cʉ̃rẽ wãmeõtituwaremena Jesúcã ocopʉ niãrigʉ manʉcãrẽmenarã ʉmʉãwese pãwõãñerõcã cʉ̃ Espíritu Santore ĩcʉ̃ buarora abiro duiati cʉ̃pʉre duijeagʉre ĩñayugʉ.

”Mʉjãcã ñañarẽ tirecʉtirere wãcũpasʉti wasoañerõcã ĩñagʉ̃ yʉ mʉjãre diamacãrã ocomena wãmeõti. Buri yʉsiro watigʉpe yʉsotoa tutuacametʉanʉcãgʉ̃ ñawĩ. Tairo tigʉ pẽrõgãno cʉ̃ya dʉposutire necomasĩheriga. Cʉ̃doca mʉjãrẽ Espíritu Santomena, pecamemena wãmeõtigʉ cʉ̃rẽ tidujiocogʉagawi mʉjãmena nirucũmocãro ĩgʉ̃. Ñañarẽrẽ soecõãrõ tirora abiro mʉjãcã ñañarẽ tirere cõãgʉagawi.

Ĩcãgʉ yucʉgʉ ñurẽ dicamaniñerõcã tigʉre cʉogʉ cõmeãmena nʉcõrĩpʉra patacõã pecamepʉ soecõãmocãgawi. Tiwãmerã Manigʉ̃cã mʉjãcã ñañarẽ tirecʉtirere pitiheriñerõcã ĩñagʉ̃ ñañarẽ dicacʉtirigʉre cõmeãmena nʉcõrĩpʉra patacõã pecamepʉ soecõãrõrã abiro mʉjãrẽ ñañarõ tigʉagawi.

Isaías Manigʉ̃ye quetire wedesʉgueribasocʉ Juanye maquẽrẽna ojagʉ abiro ojarigʉ niwĩ: «Ĩcʉ̃ yucʉ manirõpʉ basocare bʉtoro bʉsʉromena abiro ĩ wede caribiwõnogʉagawi: “Marĩ Nirũpʉ̃cã watiatosʉguero cʉ̃cã watiatimarẽ diamacãma, ñurĩma quenorõrã abiro mʉjãcã nirẽcʉtirere, mʉjãcã wãcũrẽrẽ wasoa diamacã maquẽrẽ tiya” ĩgʉagawi» ĩ ojarigʉ niwĩ.