Popular Bible Verses from Mateo 26

Share

Mʉjã caniherara ñurõ coteya. Wãtĩã nirũpʉ̃ mʉjãrẽ ĩdocasãherimocãro ĩrã Manigʉ̃rẽ ñubue sãĩña. Mʉjãcã tʉoiñarẽpʉpʉare yʉre wedewõrugare cʉomi. Buri bicaperacãrã yʉre wedewõquetatumasĩbora wãcũtutuare cʉoheri ―ĩyugʉ.

Tairo tigʉ cʉ̃cã siowʉmʉãriarare ĩyugʉ: —Yʉ ya yeripũnapʉre bʉtoro wãcũpasʉti pũnicametʉaro tʉoiñarẽmena cõwõãriaro cuwioro tʉoiñagʉ̃ tiga. Mʉjã anorã pʉtʉaya marĩcʉ̃. Nipetirapʉra caniherara tʉomasĩrẽmena coteya ―ĩyugʉ.

Tairo ĩtuwa Jesús cʉ̃jãsʉguero yoasãñurõ wanemo, ãsʉ̃rʉ̃poperimena eacumuwa, cʉ̃ya capetʉrore yeparo pẽnirõpʉ munibiacũmuã, Manigʉ̃rẽ abiro ĩ ñubueyugʉ: —Pacʉ, mʉrẽ wisioheriñerõcãpʉare yʉcã ñañarõ posatere yʉre tiere tairo wañerõcã tiherimocãña. Buri tairo tirugagʉ yʉcã boriwãmepe tiherimocãña mʉcã boriwãmepe wañerõcã tiya ―ĩyugʉ.

Atiera ña ya di Manigʉ̃cã cʉ̃yamacã macãrãrẽ ‘mʉjãrẽ mama ñurẽ tigʉda’ ĩriguere tiyapaticoatere eñorẽ. Ya di ũmayucoremenarã pajʉre cʉ̃jãcã ñañarẽ tirigue wapare cõwõã wapatibosare ña tiemena Manigʉ̃rẽ cʉ̃jãcã ñañarẽ tiriguere acõboyora nirã eatora abiro.

Ʉ̃sãcã yariwatoara Jesús panrẽ ne cʉ̃ Pacʉ Manigʉ̃rẽ ʉseare nʉniwĩ. Siro panrẽ pemʉtõ ʉ̃sãrẽ cʉ̃ buerare nʉnicowi. Nʉnicogʉra abiro ĩwĩ: —Ʉ̃jʉ̃. Yaya. Atiera ña ya ũpʉ̃rã abiro nirẽ ―ĩwĩ.

Siromenarã sĩnirĩsotʉre ne cʉ̃ Pacʉ Manigʉ̃rẽ ʉseare nʉniwĩ. Nʉnituwagʉra ʉ̃sãrẽ nʉnicogʉ abiro ĩwĩ: —Mʉjã nipetira atisotʉ maquẽrẽ sĩniña.

Sãĩtuwa cʉ̃ buera itiãrã cʉtiro eagʉ cʉ̃jãrẽ canirãrẽ bʉajeayugʉ. Tairo tigʉ Pedrore ĩyugʉ: —¿Dairo tira pẽrõ yʉmenarã ĩcã horanogãjoro caniherara niherijomocãrĩ?

Yʉ mʉjãrẽ wede. Marĩcʉ̃ãmenarã atie ʉse ocore marĩcã marĩcʉoro sĩnirẽrẽ yʉ upatuti sĩninemoheriga. Pʉ Manigʉ̃cã cʉ̃yarare dotiropʉ yʉ upatuti mʉjãmena ʉse oco mamarẽ sĩnigʉacu ―ĩwĩ Jesús.

Pedro cãmocʉ wedeñerõcã tʉogʉ Jesúcã cʉ̃rẽ: “Cãmocʉ wedeatosʉguero mʉ yʉre masĩcapeicãrã itiãrĩ ‘cʉ̃rẽ masĩheriga’ ĩgʉacu” ĩriguere wãcũbʉayugʉ. Tairo tigʉ Pedro tiwimacã yepapʉ niãrigʉ tore witiwa bʉtoro wãcũpasʉtiremena otiyugʉ.

¡Wʉmʉnʉcãña! Jamʉ waco. Ĩñaña; yʉre merẽ ĩñatutirapʉre wiyoacʉ watisiawi ―ĩyugʉ.

Cʉ̃cã tairo tiñerõcã ĩñagʉ̃ Jesús cʉ̃rẽ ĩwĩ: —Tiherimocãña. Mʉya saderipĩrẽ quenoña. Saderipĩmena camesĩãrãno saderipĩmenarã sĩãyoragawa.