Popular Bible Verses from Mateo 17

Share

Jesús ʉ̃sãrẽ yʉwi: —Mʉjã Manigʉ̃rẽ pẽrõgã wedewõrẽ cʉora ninirã cʉ̃rẽ cõãwiocomasĩheriayu. Yʉ mʉjãrẽ diamacãrã wede. Mʉjã pẽrõ wedewõrẽ cʉorapʉa pẽrõ mostaza capegãrã abiro niñerõcãpʉare mʉjã atiburore: ‘anorẽ mʉcã nirõrẽ wũãwʉmuã, õpe nirõ waya’ ĩmasĩboga. Mʉjãcã dotiriwãmerã tiburo waboga. Mʉjãcã wedewõrẽ cʉoñerõcã nipetire timasĩrẽ wado nirõãcu.

Pedrocã tairo ĩ wederucũriwatoara ñurõ asibateri ʉ̃mebʉrʉa duiati cʉ̃jãrẽ tubiatoasuyuro. Ti ʉ̃mebʉrʉapʉmena ĩcã wederucũrẽrẽ abiro ĩ wederucũñerõcã tʉoyura: —Ãnirã ñawĩ yʉmacʉ̃ yʉcã bʉtoro maĩyogʉ. Cʉ̃rã yʉcã beserigʉ ñawĩ. Cʉ̃cã wederucũrẽrẽ tʉoya ―ĩyuro.

Cʉ̃cã tairo ĩñerõcã yʉgʉ Jesús cʉ̃jã nipetirapʉre abiro ĩwĩ: —Mʉjã marĩcʉoro macãrã yʉre icãta wedewõrẽ cʉohera, diamacã maquẽrẽ icãta tʉomasĩhera ña. ¿Mʉjãcã yʉre wedewõrugahericapetacãrã nocãrõ yoariwatoapʉ mʉjãmena nigʉagari? ¿Mʉjãcã yʉre wedewõrugaherere nocãrõ yoariwatoa apõtĩõgʉagari yʉ? Cʉ̃ wĩmagʉ̃rẽ anope neãtiya ―ĩwĩ. Cʉ̃rẽ nejeañerõcã Jesús wĩmagʉ̃pʉre wãtĩ sãrigʉre witiadotiwi. Wãtĩ wĩmagʉ̃pʉre niãrigʉ witiaremenarã, wĩmagʉ̃ cametʉoyoarigʉpʉ pʉtʉawi.