Popular Bible Verses from Juan 6

Share

Jesúpe cʉ̃jãrẽ ĩwĩ: —Yʉra catire nʉnigʉ̃ panrã abiro nigʉ̃ ña. Tairo tira yʉre quetaturano icãta ʉaboaherara abiro nirõãgawa. Ĩñerõcã yʉre wedewõrãno icãta oco sĩnirugara ñemesipioyoherigawa.

Basocare catire petiherere nʉnigʉ̃ Manigʉ̃ya Espíritu Santo ñawĩ. Marĩye ũpʉ̃rĩpe icãta tie catire petiherere nʉnimasĩheri. Yʉ ũpʉ̃rẽ yare maquẽrẽ, dire sĩnirẽ maquẽrẽ wedegʉ, pupeapʉ yeripũna maquẽpere wedegʉ tiawʉ. Tairo tira yʉcã wederere wedewõrãno tairo catirucũmocãrãgawa.

Mʉjã yarigue petiatepe wadorena bʉarugara padedeherimocãña. Buripe yarigue catire petihere nʉnirẽrẽ tairo nirucũãte maquẽpere padedeya. Manigʉ̃ yʉpacʉbasurupera cʉ̃cã yʉre ticoyorigʉ nirẽrẽ mʉjãrẽ eñosiawi. Tairo tigʉ yʉ Nipetira Sõwʉ̃rã tie yarigue catire petihere nʉnirẽrẽ mʉjãrẽ nʉnimasĩ ―ĩwĩ.

Tairora yʉpacʉ yʉre ticorigʉ, nipetirare yʉre cʉ̃ Manigʉ̃ Macʉ̃ nigʉ̃re ĩña wedewõrãnorẽ catire petiherere cʉoñerõcã bowi. Tairo tigʉ yʉ cʉ̃jãrẽ nitʉoribʉrecopʉre cʉ̃jãcã cõwõãriasiro nicapetacã cʉ̃jãrẽ masõgʉacu ―ĩwĩ Jesús.

Jesúpe cʉ̃jãrẽ abiro ĩ yʉwi: —Manigʉ̃ mʉjãrẽ yʉre cʉ̃cã ticoyorigʉre wedewõñerõcã wadore bowi ―ĩwĩ.

Nipetira yʉpacʉcã ñeyora yʉre ama yʉre quetaturibasoca nirã earare yʉ icãta cʉ̃jãrẽ boherimocã tiheriga.

Cʉ̃cã tairo ĩñerõcã tʉogʉ Simón Pedrope cʉ̃rẽ abiro ĩ yʉwi: —Ʉ̃sã Nirũpʉ̃ ¿noãpere ʉ̃sã quetatubogari? Mʉ ĩcʉ̃rã ña mʉye wederucũrẽmenarã ʉ̃sãrẽ catire petiherere cʉoñerõcã tigʉ.

Tie yare pan catire nʉnirẽ ʉmʉãwesepʉ duiatirigue yʉra nigʉ̃ ya. Tie yare panrẽ catire nʉnirẽrẽ yarano tairo catirucũmocãrãgawa. Atie yare pan yʉcã nʉniãte ya ũpʉ̃rã nirõ ya. Atibʉreco macãrãrẽ catirucũmocãro ĩgʉ̃ ya ũpʉ̃rẽ nʉnigʉacu ―ĩwĩ.

Yʉpacʉ yʉre ticorigʉbasurupera ñeyora wadora yʉre quetaturibasoca nirã eamasĩwã. Tairo tigʉ yʉpe nitʉoribʉreco eañerõcã cʉ̃jãcã cõwõãriasiro nicapetacã cʉ̃jãrẽ masõgʉacu.

Tie yare panrã abiro nirẽ cʉ̃cã ticore ʉmʉãwesepʉmena duiatire ña; atibʉreco macãrãrẽ catire petiherere nʉnirẽ ―ĩwĩ.

Yʉra yare panrã abiro catirere nʉnigʉ̃ ña.

Cʉ̃jãcã eanuãpetiañerõcã ĩñagʉ̃, Jesús ĩcãõpʉcʉñe panrẽ ne, Manigʉ̃rẽ “ñujo” ĩ ʉseare ticowi. Tairo tituwagʉra ʉ̃sã cʉ̃ buerare basoca toduirare batodotiwi. Waimenacãrẽ tiwãmerã tiwi. Tairo tira ʉ̃sã nipetirare cʉ̃jãcã yarugarocãrõ cʉ̃jãrẽ batocowʉ. Cʉ̃jãcã yayapiariasiro Jesús ʉ̃sã cʉ̃ buerare ĩwĩ: —Cʉ̃jãcã yadʉariguere seneõña tie burijorora ditiboga ―ĩwĩ.

Merẽ ʉ̃sãcã yoaro cinco o seis kilómetrono warojoro ʉ̃sãya cũmuã cʉtiro Jesúre oco caseropʉ watigʉre ĩñawʉ̃. Ʉ̃sã cʉ̃cã topʉ watiñerõcã ĩñarã cʉ̃rẽ bʉtoro cuiwʉ. Jesúpe ʉ̃sãrẽ ĩwĩ: —¡Yʉra ña; cuiherimocãña! ―ĩwĩ.