Popular Bible Verses from Juan 14

Share

Ñurõ yerisãrẽmena nirẽcʉtirere mʉjãrẽ cũgʉ̃da. Mʉjãrẽ yaye ñurõ yerisãrẽmena nirẽcʉtirere nʉnigʉ̃da. Tie yʉcã mʉjãrẽ nʉnirẽ atibʉreco macãrãcã nʉnirẽrã abiro niheri. Tairo tira anosirogã biatere wãcũrã bʉtoro wãcũpasʉti cui tʉoiñaherimocãña.

Cʉ̃cã tairo ĩñerõcã Jesúpe cʉ̃rẽ yʉwi: —Yʉra yʉpacʉ cʉtiropʉre warima nigʉ̃ ya. Tairora yʉra basocare diamacã maquẽ nirẽrẽ masĩñerõcã tigʉ ña. Ĩñerõcã cʉ̃jãrẽ catirucũrẽrẽ nʉnigʉ̃ nigʉ̃ ña. Tairo tira yʉcã maniñerõcã yʉpacʉ cʉtiropʉre icãta eawamasĩheriwa. Yʉmena wadora yʉpacʉ cʉtiropʉre eawamasĩwã.

Nocãrõsirogãmerã Jesús ʉ̃sã cʉ̃ buerare abiro ĩwĩ tamʉ: —Mʉjã bʉtoro wãcũpasʉtiherimocãña. Manigʉ̃pere wedewõña. Yʉre mʉjãcã wedewõwʉmʉãtiariarora abirora yʉcãrẽ tairora wedewõrucũmocãña.

Buri siropʉre Espíritu Santo mʉjãrẽ titamurucũãcʉra yʉpacʉcã yʉre wasoare mʉjãrẽ ticogʉra, nipetirere mʉjãrẽ ñurõ bue ĩñerõcã tairora nipetirere yʉcã mʉjãrẽ wederiguere ñurõ wãcũñerõcã tigʉagawi.

Yʉcã dotirere boca ñe, tiere queoro yʉquetatugʉno, yʉre cʉ̃cã nirõrã maĩrẽrẽ eñowĩ. Yʉre maĩgʉ̃norẽ yʉpacʉcã maĩgʉagawi. Tairora yʉcã cʉ̃rẽ maĩgʉacu ĩñerõcã cʉ̃rẽ yaye maquẽrẽ ñurõ masĩñerõcã tigʉacu ―ĩ wedewi Jesús.

Yʉpe yʉpacʉre ãpĩ mʉjãrẽ tairo titamurucũãcʉre, mʉjãmena tairo nirucũãcʉre sãĩbosagʉda. Cʉ̃rã Espíritu Santo ñawĩ mʉjãrẽ diamacã maquẽrẽ masĩñerõcã tigʉ. Atibʉreco macãrã basoca yʉre wedewõherape cʉ̃rẽ ñemasĩheriwa, cʉ̃rẽ ĩñahera ninirã, cʉ̃rẽ ĩñamasĩhera ninirã. Buri mʉjãpe cʉ̃rẽ ĩñamasĩ, cʉ̃cã mʉjãmenarã niñerõcã. Tairora cʉ̃ mʉjãpʉre nirucũmocãgʉagawi.

Mʉjãrẽ wede. Tairora mʉjãcã yʉre wedewõrã nirẽye wapamena nipetirere yawãmemena sãĩñerõcã mʉjãcã yʉre sãĩrõrã abirora nipetirere tigʉacu. Yʉcã tairo tiremena, yʉmenarã yʉpacʉ ñucametʉanʉcãgʉ̃cã, tutuacametʉanʉcãgʉ̃cã tirere basocare eñogʉacu. Yawãmemena mʉjãcã yʉre sãĩrẽcãrõrẽ, nipetirere mʉjãcã yʉre sãĩrõrã abirora tigʉacu.

”Mʉjã yʉre nirõrã maĩrã, yʉcã mʉjãrẽ dotire cũrẽrẽ queoro yʉquetaturemena yʉre maĩrẽrẽ eñorõãcu.

Yʉpacʉcã nirõpʉre nipetirapʉra nirucũãte paje nimocã. Tora abiro tiecã maniñerõcãpʉare ‘mʉjãcã nirucũãtere quenoyuegʉ wagʉ ya’ ĩ wedeheriboatiyu. Tiecã niñerõcãrã ‘yʉ tiere mʉjãrẽ quenoyuegʉ wagʉ ya’ ĩ.

Mʉjãcã niãtore quenotuwagʉ yʉ upatuti watigʉacu mʉjãrẽ neãgʉ̃dagʉ yʉmena yʉcã nirõpʉra nirucũmocãro ĩgʉ̃.

Jesúcã tairo ĩ wedeñerõcã Tomápe cʉ̃rẽ abiro ĩwĩ: —Ʉ̃sã Nirũpʉ̃ mʉcã waropʉre warimarẽ ʉ̃sã masĩhera ¿dimamenape wanirã ʉ̃sã mʉcã waropʉre eawamasĩbogari? ―ĩwĩ.