Popular Bible Verses from Efesios 5

Share

Mʉjã cʉ̃ Manigʉ̃ pũna ña; mʉjãrẽ cʉ̃ maĩwĩ. Tairo tira cʉ̃cã tirepere ĩñacũña cʉ̃cã nirĩwãmepera abiro nirã earadara. Came maĩrẽmena nirucũmocãña Cristocã marĩrẽ maĩriarora abiro. Cʉ̃cã marĩrẽ maĩnigʉ̃ marĩrẽ cametʉogʉdagʉ Manigʉ̃cã ĩñacorore waibʉcʉre sĩã soemʉõcopeoyogʉra abiro tigʉ cʉ̃basurupera cʉ̃cã marĩrẽ cõwõãbosaremena Manigʉ̃rẽ ñurẽ sʉtiañurẽ eañerõcã ti cʉ̃rẽ peñañerõcã tiriarora abiro.

Tairo tira mʉjãcã nirẽcʉtirere tʉomasĩrẽmena niña. Manigʉ̃yere masĩherara abiro nirẽcʉtiherimocãña. Buripe Manigʉ̃yere masĩrãrã abirope nirẽcʉtiya. Mʉjãcã tirecãrõrẽ ñurẽ wadore tirecʉtiya. Merẽ atibʉrecori basocacã ñañarẽ wadore tiribʉrecori nirõ ya.

Mequẽdeherimocãña; mequẽderera nobore ñañarẽrẽ tiñerõcã ya. Mequẽderono tira Espíritu Santoye tutuarepere cʉocametʉara niña. Mʉjãbasurupe came wãcũtutuañerõcã tira Salmopũpʉ basare ojariguemena, nipetire Manigʉ̃ye basaremena basa tiya. Marĩ Nirũpʉ̃ Manigʉ̃rẽ nipetire mʉjãye yeripũnamena basapeoya. Manigʉ̃ marĩ Nirũpʉ̃rẽ tairo ʉseare nʉnirucũmocãña marĩ Nirũpʉ̃ Jesucristocã marĩrẽ tiriguemena.

Basoca Manigʉ̃yere tʉomasĩherara abiro nirẽcʉtiherimocãña. Buripe Manigʉ̃cã tiñerõcã borepere masĩrã ea tiepere tirucũña.

Nʉmocʉtira mʉjã nʉmosãrõmiãrẽ maĩña Cristocã marĩrẽ cʉ̃rẽ wedewõrĩbumacãrãrẽ maĩnigʉ̃ marĩye wapa cõwõãbosa marĩrẽ cametʉoriarora abiro.

Mʉjã tosʉgueropʉre ñañarẽrẽ tirecʉtinirã naĩtĩãrẽpʉ nirãrã abiro niriara niwʉ̃. Buri marĩcʉoropere marĩ Nirũpʉ̃mena ĩcãrõ nirã earemena bowerepʉ nirãrã abiro ña. Tairo tira bowero macãrã nirãrã abiro ñurẽrẽ tirecʉtiya.

Mʉjã Cristore cuwiopesaremena wedewõrã ninirã mʉjãbasurupecã came ñurõ tʉo, yʉya.

Manʉcʉtira nomiã, marĩ Nirũpʉ̃ Jesucristore ñurõ yʉrora abirora mʉjã manʉsʉmʉãcãrẽ ñurõ yʉya.

Tiemenarã mʉjãcãrẽ wede. Mʉjã nipetira nʉmocʉtiracãrõ mʉjã nʉmosãrõmiãrẽ maĩña mʉjãbasurupe maĩrõrã abiro. Mʉjã manʉcʉtira nomiã nirãcã mʉjã manʉsʉmʉãrẽ cuwiopesaremena ĩña wedewõña.

Manigʉ̃ye wederucũrẽrẽ ojayoriapũpʉre abiro ojayorigue ña: «Tairo tigʉ ʉmʉ cʉ̃ pacʉre, cʉ̃ pacore dicawatigʉagawi merĩã cʉ̃ nʉmomenape ĩcãrõrã nigʉ̃ eagʉdagʉ. Anorã abiro cʉ̃jã pʉ̃ãrã ĩcã ũpʉ̃rã abiro pʉtʉara eagawa» ĩ.

Mʉjã naĩtiãrẽpʉ nirãrã abiro ñañarẽ cʉ̃jãcã tirecʉtirere tiquetatuherimocãña. Buripe cʉ̃jãcã ñañarẽ tirecʉtirere cʉ̃jãrẽ masĩñerõcã tiya.