Popular Bible Verses from Hechos 4

Share

”Nipetiro atiditarore ãpĩ marĩrẽ cametʉobogʉno icãta ĩcʉ̃no maniwĩ. Jesús ĩcʉ̃rã marĩrẽ cametʉogʉ ñawĩ. Manigʉ̃ cʉ̃rẽna ticorigʉ niwĩ marĩrẽ cametʉodotigʉ ―ĩyugʉ Pedro.

Cʉ̃jãcã tairo ĩ ñubuerosiro cʉ̃jãcã neãporiwi ñomeyuro. Tairo wariwatoa nipetira topʉ nirã Espíritu Santoye tutuaremena pʉtʉayura. Tairo tira cʉ̃cã titamurẽmena Manigʉ̃ye maquẽrẽ cuiro manirõ wedewʉmʉãyura tamʉ.

Ʉ̃sã Nirũpʉ̃, marĩcʉorore ʉ̃sãrẽ: ‘Jesúye maquẽrẽ icãta wedenemoherimocãña’ ĩrẽrẽ ĩñacoya. Ʉ̃sã mʉrẽ padedecoterare mʉye maquẽrẽ cuiro manirõ ãpẽrãrẽ wedeñerõcã tiya.

Sʉgueropʉ Manigʉ̃ye quetire wedesʉgueribasocʉ: «Wi weribasocacã ĩcã ʉ̃tãpe cõãriapemena ãpĩpe ñurõ tutuariwi tigawi» ĩ ojarigʉ niwĩ. ”Jesús ti ʉ̃tãpe cõãyoriapera abiro ñawĩ.

Nipetira nirũpãrã Pedro, Juancã cuiro manirõ ñurõ masĩrẽmena wedeñerõcã tʉora tʉomaniãsuyura. Tairo tira cʉ̃jãbasurupe: “Ãnijã buri nirã buere cʉohera nicaperacã anorã abiro buewa” ĩyura. Tairo ĩcaperacã “Nirõrã ãnijã Jesúmena camesãriarara ñawã” ĩ ĩñamasĩyura.

Nipetira Jesúre wedewõrã ĩcã wãcũrẽrã, ĩcã tʉoiñarẽrã cʉoyura. Icãta ĩcʉ̃rã cʉ̃jãcã cʉorere “yaye wado ña” ĩheriyura. Buripe nipetira cʉ̃jãcã cʉorenorẽ cʉ̃jãbasurupe came nʉnicãyura.