Popular Bible Verses from 2 Corintios 9

Share

Manigʉ̃ nipetire ñurẽ wadore tirucũrẽ maquẽrẽ mʉjãrẽ nʉnimasĩwĩ; tiecã mʉjãpʉre nirucũrẽmenarã nipetire ñurẽ wadore tirecʉtiremenarã ãpẽrãrẽ dʉsaro manirõ titamumasĩrã niãro ĩgʉ̃.

Mʉjã nipetiracãrõ mʉjãcã nʉnirugari yeripũnamenarã “anocãrõ nʉnirãda” ĩpʉtʉaria wãmerã nʉniña. Ñañarĩwãmemenape o nʉnidotiropʉ nʉnirugaheriwãmemenape nʉniherimocãña. Merẽ Manigʉ̃ ʉseari yeripũnamenarã nʉnirãnorẽ ñurõ maĩwĩ.

Mʉjã atiere wãcũña: Oteribasocʉ pẽrẽgã oterigʉ pẽrẽgã dica segawi. Tairora paje oterigʉpe paje dica segawi. Tiera abirora ñeno cʉohera bopacarare marĩcã nʉnirã, marĩcã nʉniriarocãrõrã pẽrõgã o pairo ñurõ wañerõcã tiyorara nirõãcu.

Manigʉ̃rã otecape oteatere nʉnigʉ̃rã ĩñerõcã tiecã dicacʉtiremenarã yatere nʉnigʉ̃rã ñurõ ʉsearemena nʉni titamurẽrẽ tiwʉmʉãrẽmenarã otecã paje dica nʉniwʉmʉãrõrã abiro mʉjãrẽ õpe paje cʉowʉmʉãñerõcã tigʉagawi. Tiemena mʉjãrẽ ãpẽrã bopacarare ñurõ titamumasĩãtora abiro. Manigʉ̃ mʉjãrẽ nipetire ñurẽrẽ cʉopetira niñerõcã tigʉagawi cʉ̃cã tairo tiremenarã ãpẽrã ñeno cʉohera bopacarare mʉjãcã ñurõ titamurugaremena pairo titamumasĩãtora abiro. Mʉjãcã tairo tirera nirõãcu ʉ̃sãcã mʉjãcã titamurẽ neõãriguere marĩyara Jesúre wedewõrãrẽ wiyora eawaremenarã cʉ̃jãrẽ Manigʉ̃pere “ñucametʉasu” ĩ ʉseañerõcã tire.

¡Tairo tira marĩ nipetirapʉra Manigʉ̃rẽ mʉ ñucametʉasu ĩrãda! Merẽ marĩrẽ Manigʉ̃ Jesucristocã tiriguemenarã paca ñucametʉarere nʉnisiawi. Tiera ña paca nijomocãrẽ daironomenape tinirã wedenemomasĩña manirẽ.