Cʉ̃jãcã tairo tirere ¿dairo tira tairo yari? ĩmasĩñamani. Merẽ wãtĩã nirũpʉ̃pʉra Manigʉ̃rẽ wedecoteribasocʉ ñugʉ̃rã abiro bauritoicãwĩ basocare cʉ̃cã ĩritorere “diamacãrã ña” ĩ wãcũñerõcã tirugagʉ. Tairo tira ĩritoremena bueribasoca wãtĩrẽ padedecoteribasoca ninirã cʉ̃cã tirecʉtirora abirora bauritoicãwã ñañarã nicaperacãrã cʉ̃jãcã ĩritoremena basocare “Manigʉ̃rẽ padedecotera ñawã, ñurẽrẽ tira ñawã” ĩñerõcã tirugara. Buri cʉ̃jãrã siropʉre marĩcʉ̃ marĩcʉoropʉare basocacã cʉ̃jãrẽ “ñurẽrẽ tira ñawã” ĩ wãcũcapetacãrã nipetire cʉ̃jãcã ñañarẽ tirigue wapamenarã Manigʉ̃rẽ ñañarõ ticõãyoroagawa.