Popular Bible Verses from 1 Corintios 15

Share

Tairo tira mʉjã yara, marĩ Nirũpʉ̃ Jesucristore ĩcãdiamacãrã, tutuaromena wedewõrucũmocãña. ¡Ãpẽrãcã mʉjãrẽ cʉ̃yere pitidotiñerõcã icãta pitiherimocãña! Tairora bʉrecoricãrõ cʉ̃cã cʉ̃yere padededotirere padederucũmocãña. Mʉjã merẽ cʉ̃mena ĩcãrõ ninirãrã cʉ̃rẽ padedebosarere burijorora padedepãmarẽ niherere masĩsia. Tie wapacʉtire nirõ ya.

Buri marĩ Manigʉ̃rẽ bʉtoro ʉseare nʉnirãda merẽ cʉ̃ Jesucristocã tiriguemenarã cõwõrẽrẽ marĩrẽ cametʉanʉcãrã eañerõcã yawí.

Mʉjã ãpẽrãrẽ niheriwãmepe bueyonirã icãta ĩritoyoherimocãña. Mʉjãrẽ atie basocacã ĩrẽcʉtirora abiro biri ĩrã. Tiemañu abiro ĩ: “Ñañarãmena bapuñerõcã ñurẽ tirecʉtirepe ditiasuga” ĩrẽ ña.

Tairo nirigʉrena Manigʉ̃cã yʉre cʉ̃ye ĩñamaĩrẽmenarã ñurõ tiriasiro niñerõcã yʉ marĩcʉorore Jesucristocã cʉ̃ye quetire buedotigʉ beseyorigʉ ña. Cʉ̃cã tora abiro cʉ̃ye ĩñamaĩrẽmena yʉre ñurõ tiriasiro niñerõcãrã yʉ ãpẽrã Jesucristocã cʉ̃ye quetire buedotigʉ ñeyoriarasotoape bʉtoro Jesúcã basocare cametʉore quetire wedecametʉonʉcõ. Buri yʉ tiere yʉbasurupera tigʉmerã ya; Manigʉ̃basurupera cʉ̃ye ĩñamaĩrẽmena ñurõ titamugʉ̃cã yʉmena nigʉ̃rã yʉre tiere bʉtoro padedeñerõcã yawí.

¿Dairo biri cõwõãrẽ tutuare cʉore nimirigue? ¿Nopʉ ñarĩ cõwõrẽ pũnirẽ nimirigue?» ĩ ojayore ña. Ñañarẽrẽ tirecʉtire wapara cõwõrẽ pũnirẽ wati. Tairo tira tie ñañarẽrẽ tirigue wapara cõwõãna wado ña; tie ñañarẽ tire tutuare cʉore Manigʉ̃cã Moisére dotire cũriguemena masĩyo.

Buri mʉjãrẽ Manigʉ̃cã wedero manirõ yajioropʉ cʉoriguere wedegʉda: Nipetirapʉra cõwõãhericu, buripe apeũpʉ̃pe wasoayopetiasuroacu, nocãrõgãmerã cape bia pãwõcorocãrõrã atibʉreco petiro earomena putirigare putitʉoriwatoamena tairo biroacu. Tocawatoamena cõwõãrirara mama ũpʉ̃mena masãrãgawa pʉãrĩ cõwõãrãdaramerã. Tairora marĩcã marĩcʉ̃ catiremena nirãpecã apeũpʉ̃pʉ wasoapetiasuroacu.

Anorã abiro bi. Merẽ ĩcʉ̃ ʉmʉmenarã cõwõrẽ maquẽ eariarora niwʉ̃. Tairora tamʉ ĩcʉ̃ ʉmʉmenarã cõwõãriarare masãte maquẽcã watiriaro niwʉ̃. Adánmenapere nipetira basoca cõwõrẽ maquẽrẽ cʉora earora abirora Jesucristomena wadora nipetira cõwõãriarapʉ nicaperãcãrã ũpatuti masã catire petiherere cʉora earagawa.

Manigʉ̃ atiũpʉ̃rĩ cõwõriũpʉ̃rĩrẽ, boamʉtãrĩũpʉ̃rĩrẽ icãta cõwõãheriatiũpʉ̃rĩpe wasoagʉagawi. Tairo tiro sua tiũpʉ̃rĩ icãta cõwõãnemohericu.

Marĩcʉ̃ Jesucristo cʉ̃cã Nirũpʉ̃ nirẽrẽ cʉogʉagawi pʉ Manigʉ̃cã cʉ̃ Jesucristore ĩñatutirare cõãdiocoriwatoapʉ. Cʉ̃jãrẽ cõãrõsiro cʉ̃rẽ ĩñatutigʉ nitʉorera abiro nirẽ cõwõãrẽrẽ Cristo cõãtʉocogʉagawi.