Popular Bible Verses from BaFilipi 1

Share

Alimwi kandijisi choonzyo kuti ooyo wakatalika mulimu mubotu mulindinywe uyoowumaninizya mubuzuba bwaKkirisitu Jesu.

Alimwi nkukomba kwangu kuti luyando lwanu kalulokuvula kapati lyoonse, aluzibo amukulingula kwanu koonse, kuchitila kuti mukonzye kusala ziluleme, alimwi mube basalali akutaba akampenda mubuzuba bwaKkirisitu

Nkaambo kulindime kupona nguKkirisitu, alimwi kufwa nimpindu.

Ndilumba Leza wangu mukumuyeeya kwangu koonse

Nikubabobo buumi bwanu ngabube bweelela makani mabotu aKkirisitu, kuchitila kuti naa ndasika akuzomubona nikuba nkanditawo pe, ndiyoomvwa atala andinywe kuti muliimvwi nji muMuuya uumwi, amuzeezo uumwi kamuli kukakatila kulubazu akulubazu nkaambo kalusyomo lwamakani mabotu

mbuli mbundili abulangilizi bwangu anzindilangilila kuti tandikwe kukuyoofwisyigwa bweeme nikuba munzila yoonse, pesi kuti abusichamba buzwide lino mbuli lubbe nikuba lino Kkirisitu uyoopegwa bulemu mumubili wangu, nikuba kandipona nikuba ndafwa.

Nkaambo kulipedwe kulindinywe kuti nkaambo kaKkirisitu kuti tamweleede kuzumina luzutu mulinguwe biyo pesi akupenzegwa lubo nkaambo kakwe