Popular Bible Verses from Lukku 8

Share

Mpawo eeyo yakawida muvu bbotu, ilimbuli aabo bantu, bamvwa ijwi lyaLeza, balijatisisya munzila isyomekede amoyo mubotu, akuzyala michelo chakutaleka.”

Alimwi atala ayeeyo yakawida mumaamvwa, ilimbuli aabo bantu bamvwa ijwi lyaLeza, pesi nibayabweenda balayaswa aziyandisyo abuvubi amisalo yabuumi, alimwi michelo yabo tayikwe niibizwa pe.

Eeyo yakawida amwaala ilimbuli aabo bantu, nibamvwa jwi lyaLeza, balitambula alukondo; pesi takukwe nibaba amiyanda, balasyoma kwachiindi chiniini, alimwi muchiindi misunko niyasika balawa.

Mpawo wakababuzya wati, “Lulaali lusyomo lwanu?” Alimwi bakayoowa bakaankamana, bakaambilana bati, “Ngwani ooyu ulayilila niliba guuwo ameenda, mpawo zimuswiilile?”

Eeyo yakawida munzila ilimbuli aabo bantu bamvwa ijwi lyaLeza, mpawo Satani wasika wabanyanzya ijwi kuzwa mumyoyo yabo, kuti baleke kusyoma akufutulwa.

“Nkaambo takukwe chisisidwe pe chitakwe kuyoozwa antangalala, nikuba kufumbwa nsiiswa iyooleka kufunkununwa kuza kumumuni.”

Mwanakazi naakabona kuti tachikonzyi pe kulisisa, wakaza bukankama; mpawo wakafugama kumawulu aakwe, wakaamba kunembo lyabantu boonse kuti nkaamboonzi chapa kuti amujate, alimwi ambwaakabuka akupona mpawaawo. Jesu wakati kulinguwe, “Yomusimbi, lusyomo lwako lwakuponiya; koya muluumuno.”

Mpawo bakayinka bamubusya bati, “Mwami, Mwami, tuliikufwa!” Alimwi wakabuka wakulayilila iguwo amayuwe mumeenda; mpawo meenda akabatama.