Popular Bible Verses from Lukku 3

Share

Lino bantu boonse nibakabbapatizigwa, mpawo Jesu alakwe kaali wabbapatizigwa. Alimwi wakali kukomba, ijulu lyakajulika, alimwi Muuya Usalala wakaselukila alinguwe mbuli inziba, mpawo ijwi lyakaza kuzwa kujulu, kaliti, “Iwe nduwe Mwana wangu ngundiyandisya; mulinguwe mundikondelwa.”

Joni wakabavwiila boonse wati, “Ndimubbapatizya ameenda; pesi ooyo usalala kwiinda ndime ulaza, ooyo ngunditajisi cheelelo chakwangununa twaanzyo twansangu zyakwe; uyoomubbapatizya aMuuya Usalala amulilo.

Amuzyale michelo itondeezya kusanduka, alimwi mutani kulyaamba kuti, ‘uli aAbburahamu mbuli taata wesu.’ Nkaambo ndamwaambila kuti, Leza ulakonzya kuli aaya mabwe kuti alenge bana kuli Abburahamu.

Nikuba lino kaleba kalibambidwe kale kumiyanda yamisamu; nkikaako kufumbwa musamu utazyali muchelo mubotu ulagonkelwa aansi mpawo akuwalilwa mumulilo.”

Mbuli mbukulembedwe mubbuku lyamusinsimi Ayizaya, kuti “Ijwi lyayooyo woompolola munkanda kati: ‘Amubambe inzila yaMwami; amululamike tuzila twakwe! Masena woonse ayooyelana, alimwi zilundu zyoonse atulundu ziyoofwiinsigwa, alimwi zipilingene ziyolulamikwa, anzila zilamakombakomba ziyootandabala; alimwi bantu boonse bayoobona lufutuko lwaLeza.’ ”