Popular Bible Verses from Lukku 12

Share

Anywebo ngamulibambile; nkaambo Mwana aMuntu ulaza muchiindi nchimutayeyeli pe.”

Anukuti, amuyanduule bwami bakwe, alimwi zyoonse zintu zimwi muyozipegwa alimwi.”

Alimwi wakati kulimbabo, “Amuswiilile, alimwi muchenjele, nkaambo buumi bwamuntu tabuli mubuvubi bwakwe bwiingi pe mbwalijanina.”

Nkaambo oko kuli lubono lwako, alimwi nkuuli moyo wako.

Alimwi nguni akati kanu ukonzya kuyungizya chisela chabuumi bwakwe nikuba aniini?

Alimwi wakati kuli basikwiiya bakwe, “Nkiinkako ndamwaambila kuti, mutalikatazyi atala abuumi bwanu, kuti mulalyaayi, nikuba kuti mulasamayi amibili yanu.

Nkaamboonzi, nikuba susu lilimumutwe wako lyoonse lilibalidwe. Mutayoowi; mulayandika kapati kwiinda tutiiti twiingi.”

“Mutayoowi, nukatanga kaniini, nkaambo nduyando lwaTaata wanu kuti amupe bwami.

Amulange makubi: taalimi nikuba kutebula, taakwe chiyoobweedo nibuba butala; nikuba oobo Leza ulaasanina. Kulibulemu biyeni kulindinywe numuyandwa kapati kwiinda bayuni!

“Alimwi mutayanduuli kuti mulalyayi, naakuti mulanywayi, nikuba kulipenziya mumiyeeyo yanu.

Kuti Leza kasamika bwiizu oobo bulimumuunda sunu, alimwi junza bwawalilwa mumulilo, uyokachilwa biyeni kumusamika nywebo, inywe balusyomo luniini!”

Nkaambo takukwe chivumbidwe chitakaleke kuyubununwa; nikuba chisisidwe chitakaleke kuzibikana.