Popular Bible Verses from Rí wasngájma 22

Share

Ikhúúnꞌ ñajunꞌ xómá tsina Álfa̱ jamí xómá tsina Oméga̱, tsí na̱gi̱ꞌdu̱u̱n-muu jamí tsí ndámba̱wóo, tsí ginii jayu jamí tsí nda̱wa̱á jayu».

«¡Gu̱dxawíínlaꞌ! ¡Ma̱ꞌkha máꞌ wapha! Jamí ja̱ya̱ máꞌ gamaku rí ma̱grui̱gúu mbámbáa xómá jaꞌyoo ñajun rí niꞌnii̱.

Xómáꞌ Xu̱u̱ꞌ Ana̱ꞌlóꞌ jamí a̱ꞌgui̱i A̱ꞌdá-mógó nuthee̱n: «¡Aya̱ máꞌ, Táta̱!». Jamí tsí nadxawuun, gaꞌthée̱n: «¡Aya̱ máꞌ, Táta̱!». Tsí najándawoo, ga̱ꞌkhe̱e̱. Tsí nandoo gágáan iya, ga̱ga̱a̱n iya rí naꞌne rí ma̱ju̱wá jámuu xa̱bo̱, kixná jayu máꞌ ne̱.

Phú gagi júwa̱ꞌ xa̱bo̱ tsí nujñáa xtíñúú. Ikhiin tsúꞌkhue̱n tsí ma̱goo ma̱tu̱ꞌu̱ún ná xuajen jamí ma̱goo mu̱pho̱ xndúu ixe̱ rí naꞌne rí ma̱ju̱wá jámuu xa̱bo̱.

«¡Gu̱dxawíínlaꞌ, ma̱ꞌkha máꞌ wapha! Phú gagi xtáa̱ tsí naꞌne-mbánuu ajngáa rí nigájnanga̱a ná awúun i̱yi̱i̱ꞌ ríge̱ꞌ».

Náxáríga̱ mbroꞌon ikhín. Jamí tsí ma̱ju̱wá ikhín ma̱xáꞌyóo rí ma̱mbiꞌñúu̱ agu, ni máꞌ ma̱xáꞌyóo aguu a̱kha̱ꞌ, numuu rí ma̱mbiꞌñúu̱ máꞌ ga̱jma̱á aguu Ana̱ꞌlóꞌ Mikhuíí, jamí ikhii̱n muthan-ñajwii̱n jámuu mbiꞌi.

Tsí naꞌthán mbá xúgíí ríge̱ꞌ, naꞌthán: «Gakon i̱tha̱nꞌlaꞌ rí ma̱ꞌkhalo̱ꞌ máꞌ wapha». Xkuaꞌnii gáꞌne. ¡Aya̱ máꞌ, Táta̱ Jesús! Táta̱ Jesukrísto̱ gáꞌne-tsakun-rámáaꞌlaꞌ mbá xúgiáanꞌlaꞌ. Xkuaꞌnii gáꞌne.

Jámba̱a̱ tsí nadxawuun ajngáa rí nigájnanga̱a ná awúun i̱yi̱i̱ꞌ ríge̱ꞌ, ikhúúnꞌ na̱thu̱u̱n ríge̱ꞌ: Xí mbáa naꞌne-ra̱ꞌmáa rí naꞌthán i̱yi̱i̱ꞌ ríge̱ꞌ, Ana̱ꞌlóꞌ ma̱ꞌne-ra̱ꞌmáa ná tsu̱du̱u̱ xa̱bo̱ tsúꞌkhue̱n jamínu̱ꞌ rí naꞌthán ná awúun i̱yi̱i̱ꞌ ríge̱ꞌ. Xí mbáa narígúu tháan ajngáa rí nigájnanga̱a ná awúun i̱yi̱i̱ꞌ ríge̱ꞌ, Ana̱ꞌlóꞌ marígúu rí jaꞌyoo̱ ná i̱yi̱i̱ꞌ ná tima mbiꞌñúú tsí nduya jámuu, xúꞌkhue̱n máꞌ ma̱gata̱a rí jaꞌyoo̱ ná xuajñuu Ana̱ꞌlóꞌ, xómá rí naꞌthán ná awúun i̱yi̱i̱ꞌ ríge̱ꞌ.