Popular Bible Verses from Márko̱s 2

Share

Ído̱ nidxawuun Jesús rí xkuaꞌnii ithee̱n, a̱ꞌkhue̱n niꞌthúu̱n: «Xa̱bo̱ tsí tsíjáñúú, tsíꞌñúu̱ máꞌ xa̱bo̱ tsí naꞌne-thana ikhii̱n, rí i̱ndo̱ó máꞌ xa̱bo̱ tsí najáñúú na̱mbu̱jmúú inuu xa̱bo̱ tsí naꞌne-thana. Ikhúúnꞌ táꞌkha gándxa̱ꞌwu̱ún xa̱bo̱ tsí nune̱ rí máján, rí niꞌkha gándxa̱ꞌwu̱ún xa̱bo̱ tsí nune̱ aꞌkhán».

Ído̱ ndiꞌyoo Jesús rí wéje̱ a̱kui̱ín xa̱bo̱ tsúꞌkhue̱n ná inuu̱, a̱ꞌkhue̱n niꞌthúu̱n xa̱bo̱ tsí nixtriga̱a̱: «Táa̱, ningudi̱i máꞌ aꞌkháanꞌ rá».

Jesús niꞌthúu̱n xóó: ―Mbiꞌi rí nduya̱a xu̱únꞌ xa̱bo̱ ni̱gu̱ma-ku̱maa ne̱ ga̱jma̱á numuu rí mambáñúú ne̱ xa̱bo̱, ra̱ꞌkhá rí xa̱bo̱ ni̱gu̱ma-ku̱mii ga̱jma̱á numuu rí mu̱mbáyíí mbiꞌi rúꞌkhue̱n.

I̱ndo̱ó máꞌ numuu rí na̱nguá iyoo ma̱tu̱múu̱ asndo ná inuu Jesús, ga̱jma̱á numuu rí maphú mbaꞌiin xa̱bo̱ gachúún, ikhaa jngó nitsimúu̱ juya̱a̱ ná tsu̱du̱u̱ guꞌwá jamí ni̱rma̱ꞌtháa̱ ná naꞌne jmbuu wéje̱ Jesús. Ikhín máꞌ ni̱xri̱guíi̱ tsí nixtriga̱a̱ ga̱jma̱á agúu, ná ja̱ma̱ꞌtha nini̱i̱.

Ma̱snga̱jmálaꞌ mbu̱ya̱á rí A̱dée Xa̱bo̱ Numbaa gíꞌdoo tsiakhe̱ rí ma̱ꞌne mba̱a̱ a̱kui̱in jaꞌyoo aꞌkhúún xa̱bo̱ ná numbaa ríge̱ꞌ». A̱ꞌkhue̱n niꞌthúu̱n xa̱bo̱ tsí nixtriga̱a̱: «Ikháánꞌ i̱tha̱a̱nꞌ, araxu̱unꞌ, atiáxi̱i aguáaꞌ, jamí ayu̱uꞌ guꞌwáaꞌ».

Náá rí i̱wa̱á na̱nguá mingíjyúu rí mi̱ꞌtháán xa̱bo̱ tsí nixtriga̱a̱ róꞌ: Á rí mi̱ꞌtháa̱n: “Ningudi̱i máꞌ aꞌkháanꞌ rá”, o rí mi̱ꞌtháa̱n: “Araxu̱unꞌ, atiáxi̱i aguáaꞌ jamí ayu̱uꞌ” dxe̱ꞌ.

A̱ꞌkhue̱n rí núkho̱ máꞌ ni̱tu̱xii̱, jamí niyáxii̱ agúu̱. Inúú mbá xúgíin xa̱bo̱ nigájnaa̱ ni̱kaa̱. A̱ꞌkhue̱n rí mbá xúgíin xa̱bo̱ maphú nimakúún jamí nene̱-mba̱a̱ Ana̱ꞌlóꞌ rí xkuaꞌnii ndiyáa̱. Jamí nithee̱n: «¡Ninguáná túꞌyáálóꞌ rí xáꞌnii rá!».