Popular Bible Verses from Rí nene̱ 4

Share

Jamí ndawa̱a̱ i̱mba̱a̱ꞌ tsí ma̱ꞌne-jáwíin xa̱bo̱ numbaa. Numuu rí ná numbaa ríge̱ꞌ ndawa̱a̱ i̱mba̱a̱ꞌ xa̱bo̱ tsí nixniálóꞌ Ana̱ꞌlóꞌ, tsí ma̱goo ma̱ꞌne-jríñáaꞌlóꞌ.

Ído̱ wámbúu̱n nithán-jáñíi̱ Ana̱ꞌlóꞌ, a̱ꞌkhue̱n nixma ná gatii̱n, jamí mbá xúgíi̱n ni̱dri̱guíi̱ Xu̱u̱ꞌ Ana̱ꞌlóꞌ, jamí mbá jañii a̱kuíi̱n nuthan-raꞌee̱ ajngóo Ana̱ꞌlóꞌ.

Jamí xúge̱ꞌ rá, Táta̱, athayáá xó rí nune̱-mi̱ꞌñáxo̱ꞌ. Ikhaa jngó, atambáyáxo̱ꞌ tsáanꞌ yumbiáaꞌ ñajwanxo̱ꞌ, rí ma̱xámíñaxo̱ꞌ mu̱tha̱n-ráꞌaxo̱ꞌ ajngáaꞌ.

Jesús tsíge̱ꞌ ñajuun itsí rí ra̱khálaꞌ gájmalaꞌ tsáanꞌ nu̱ne̱laꞌ guꞌwá, jamí ikhaa̱ ninindxu̱u̱ itsí mba̱a̱ rí jayá ski̱yu̱u̱ꞌ rakhóo guꞌwá.

Ído̱ rí xa̱bo̱ ñajun ná xuajen ndiyáá rí Pédro̱ ga̱jma̱á Juáán tsímíñúu̱ rí muthee̱n, mangaa máꞌ ndiyáa̱ rí xa̱bo̱ tsí túne̱-gajma̱a̱ ñajúu̱n, jamí xa̱bo̱ tsí tsíyáá ñajúu̱n, phú nimakúu̱n juñúu̱. A̱ꞌkhue̱n nifruꞌúu̱n rí ningrigúu̱n ga̱jma̱á nindxu̱u̱ Jesús.

Jamí mbá xúgíin tsí mbaꞌiin ninimbu̱únꞌ juyáá Jesús, mbóó a̱kuíi̱n jamí mbóó máꞌ ju̱múu̱. Nimbáa tsíꞌthán xí drígo̱o̱ mbáwíi ñajuun rí gíꞌdoo, rí mbá xúgíí rí guáꞌdáa̱ drígúu̱n mbá xúgíi̱n ñajuun ne̱.