Popular Bible Verses from 1 Pédro̱ 4

Share

Phú i̱tha̱án máꞌ gíꞌdoo numuu rí ma̱galaꞌ ju̱ya̱-mijnálaꞌ. Numuu rí phú mbaꞌa aꞌkhán najúgoo xí nandalóꞌ juꞌya-mijnálóꞌ.

Mbámbáa gáꞌne-mba̱ꞌwu̱un i̱ꞌwíin xa̱bo̱ ga̱jma̱á majñu̱u̱ rí nijanáá neꞌne Ana̱ꞌlóꞌ. Xkuaꞌnii kajngó ma̱nindxa̱ꞌlaꞌ xa̱bo̱ tsí najmúú mújúún jamí nu̱ña̱wa̱án mbaꞌa inii rí naxná Ana̱ꞌlóꞌ.

Xí mbáa nijanáá rí maꞌthán, gaꞌthée̱n xómá rí nijanáa̱ maꞌthée̱n neꞌne Ana̱ꞌlóꞌ. Xí mbáa naꞌne-mba̱ꞌwu̱un xa̱bo̱, ga̱ꞌne-mba̱ꞌwii̱n ga̱jma̱á tsiakhe̱ rí naxná Ana̱ꞌlóꞌ, kajngó mbá xúgíí rí na̱gu̱ma ma̱ꞌne-mba̱a̱ Ana̱ꞌlóꞌ ga̱jma̱á majñu̱u̱ Jesukrísto̱. Ikhaa̱ jaꞌyoo rí ma̱gu̱ma-mba̱a̱ jamí maꞌthán-ñájwii̱n jámuu mbiꞌi. Xkuaꞌnii gáꞌne.

I̱ndo̱ó máꞌ numuu rí, xí mbáa namínu̱u̱ꞌ ga̱jma̱á numuu rí ninindxu̱u̱ꞌ tsí na̱ka̱ tsu̱du̱u̱ Krísto̱ rá, ma̱xáti̱yu̱u̱ꞌ, rí ga̱ꞌne-mba̱a̱ Ana̱ꞌlóꞌ numuu rí jayée̱ mbiꞌyuu Krísto̱.

Inu máꞌ ma̱ga̱nú mbiꞌi rí ma̱mbá mbá xúgíí rí ríga̱ ná inuu numbaa. Ikhaa jngó, gu̱ndxa̱ꞌwa̱-mijná májánlaꞌ rí mu̱ne̱laꞌ, kajngó mu̱xúni̱ꞌñáálaꞌ rí nu̱tha̱n-jáñíílaꞌ Ana̱ꞌlóꞌ.

A̱ngui̱nꞌ, ma̱xámakualaꞌ gáꞌne gaꞌkho̱ rí na̱ꞌkha̱ inalaꞌ kajngó ma̱kujma xí ma̱ꞌnga̱ꞌlaꞌ, numuu rí ra̱ꞌkhá máꞌ i̱ndo̱ó ikháanꞌlaꞌ nu̱gíꞌníílaꞌ rúꞌkhue̱n. A̱ꞌkhue̱n gakon, ga̱ꞌdxu a̱kia̱nꞌlaꞌ numuu rí nu̱míni̱ílaꞌ ga̱jma̱á nindxu̱u̱ Krísto̱, kajngó phú ma̱ꞌdxu a̱kia̱nꞌlaꞌ mangáanꞌlaꞌ ído̱ rí ma̱ꞌkhaa̱ ga̱jma̱á mbá xúgíí ski̱yu̱u̱ꞌ ná numbaa.

Gagi a̱kia̱nꞌlaꞌ gúdrígú-mijnálaꞌ ná guꞌwálaꞌ.

Ikhaa jngó, tsí nu̱míni̱í ga̱jma̱á numuu rí xkuaꞌnii nandoo Ana̱ꞌlóꞌ, guni̱i̱ rí máján, jamí gu̱ni̱ꞌñá-mijnée̱ ná ñawúun Ana̱ꞌlóꞌ tsí neꞌne-ku̱mii̱, numuu rí ikhaa̱ phú jmbii̱.

Numuu rí Krísto̱ nimínu̱u̱ꞌ ná xuyuu ga̱jma̱á numalóꞌ. Ikhaa jngó, ga̱juwa-na̱ma̱ñalaꞌ rí mu̱míni̱í mangáanꞌlaꞌ xómá rí nimínu̱u̱ꞌ Krísto̱. Numuu rí xa̱bo̱ tsí namínu̱u̱ꞌ, niniñuu̱ máꞌ janíí aꞌkhán mangaa. Kajngó náxáꞌnii̱ rí nandoo xuyuu̱ awúun mbiꞌi rí xóó xtáa̱ ná tsu̱du̱u̱ numbaa, xómá rí nune̱ jayu xa̱bo̱, rí ma̱ꞌnii̱ i̱ndo̱ó máꞌ rí nandoo Ana̱ꞌlóꞌ.

Phú gagi juwalaꞌ xí nuthan-xkawia̱ꞌlaꞌ xa̱bo̱ ga̱jma̱á numuu Krísto̱, numuu rí Xu̱u̱ꞌ Ana̱ꞌlóꞌ tsí phú wáá xtáa̱ ná awúun a̱kia̱nꞌlaꞌ. Gakon máꞌ rí ikhii̱n nuthan-xkawíi̱ꞌ Ana̱ꞌlóꞌ, xómáꞌ ikháanꞌlaꞌ ndu̱ya̱-makuíi̱laꞌ.