Popular Bible Verses from 1 Pédro̱ 2

Share

Xómáꞌ ikháanꞌlaꞌ ñajwanlaꞌ xa̱bo̱ tsí niraꞌwíin Ana̱ꞌlóꞌ, dxakuun tsí nu̱ñajun ná inuu Thúngaa Mikhuíí, mbá numbaa ná júwa̱ꞌ xa̱bo̱ tsí jaꞌwuun, jamí xa̱bo̱ xuajñuu Ana̱ꞌlóꞌ ñajwanlaꞌ. Ana̱ꞌlóꞌ nindxaꞌwálaꞌ rí ma̱ga̱jnáaꞌlaꞌ ná mijína kajngó ma̱mbiꞌyalaꞌ aguu̱ rí phú mitsaan, jamí mu̱tha̱nlaꞌ rí phú wáá naꞌnii̱.

Jmína̱a̱ꞌ máꞌ Krísto̱ ni̱ka̱ jagu̱u̱ aꞌkhánlóꞌ ná inuu ixe̱ krúsi̱, kajngó náxájuwalóꞌ rí mu̱ꞌne̱lóꞌ aꞌkhán, rí ma̱juwalóꞌ rí mu̱ꞌne̱lóꞌ rí máján. Krísto̱ ni̱gu̱ma-jámbi̱yíi̱ꞌ kajngó ikháanꞌlaꞌ ma̱ꞌni̱i a̱kia̱nꞌlaꞌ. Numuu rí ikháanꞌlaꞌ ninindxa̱ꞌlaꞌ xómá xu̱kú mogo̱ tsí ni̱ngra̱ꞌiin jamba̱a̱. Xómáꞌ xúge̱ꞌ rá, niguwa̱aꞌlaꞌ inuu tsí na̱ña̱wa̱nꞌlaꞌ, ikhaa máꞌ tsí nayaxe̱-ra̱ꞌmúu mbiꞌyalaꞌ.

Rí nákhí wajyúú, tánindxa̱ꞌlaꞌ xa̱bo̱ xuajñuu Ana̱ꞌlóꞌ, xómáꞌ xúge̱ꞌ rá, xa̱bo̱ xuajñuu Ana̱ꞌlóꞌ ñajwanlaꞌ. Rí nákhí wajyúú, ndawa̱a̱ tsí niñáwíin a̱kui̱in jaꞌyalaꞌ, xómáꞌ xúge̱ꞌ rá, niñáwíin a̱kui̱in Ana̱ꞌlóꞌ jaꞌyalaꞌ.

Gu̱smijnálaꞌ mi̱ndaꞌkho xómá ene̱ e̱je̱n cháña̱ꞌ, rí mu̱wanlaꞌ yaꞌdú jaꞌwu, rí ñajuun ajngóo Ana̱ꞌlóꞌ. Kajngó ga̱jma̱á majñu̱u̱ ne̱ ikhaa ma̱gajáanꞌlaꞌ, jamí ma̱jríñáaꞌlaꞌ.

A̱ngui̱nꞌ, tsáanꞌ phú nandoꞌ ja̱ya̱ꞌlaꞌ, na̱tha̱n-jáñalaꞌ xómá xa̱bo̱ tsí ra̱ꞌkhá xuajñúú ñajuun numbaa ríge̱ꞌ jamí xa̱bo̱ tsí nagóó-ranújngúún, rí mu̱xúne̱laꞌ rí nandoo xuyalaꞌ, numuu rí rúꞌkhue̱n na̱tsa̱ñu̱u̱ꞌ ga̱jma̱á nímia̱ꞌlaꞌ. Máján gájuwalaꞌ ná majñu̱ú xa̱bo̱ tsí tsíne̱-nuwiin Ana̱ꞌlóꞌ. Xkuaꞌnii kajngó mbuyáa̱ rí máján nu̱ne̱laꞌ jamí mune̱-mba̱a̱ Ana̱ꞌlóꞌ ído̱ rí maxúꞌdaa̱ awan ga̱jma̱á numúú mbá xúgíin xa̱bo̱, maske máꞌ ikhii̱n nuthee̱n rí xkawe̱ꞌ e̱ne̱laꞌ rí xúge̱ꞌ.

Jamí ikháanꞌ mangáanꞌlaꞌ ñajwanlaꞌ xómá itsí ndaꞌya rí na̱gu̱ma ga̱jma̱á guꞌwóo Ana̱ꞌlóꞌ. Xkuaꞌnii kajngó ma̱nindxa̱ꞌlaꞌ dxakuun jaꞌwuun tsí nu̱xna̱xí tsi̱gi̱jña̱ꞌ rí na̱ni̱gu̱u̱ꞌ Ana̱ꞌlóꞌ ga̱jma̱á majñu̱u̱ Jesukrísto̱.

Ikhaa jngó, gu̱ni̱ꞌñáá-ru̱ne̱laꞌ mbá xúgíí inii rí xkawe̱ꞌ, mbá xúgíí inii rí mi̱nduwa. Ma̱xáꞌne a̱jma̱ inalaꞌ, ma̱xáxígua̱ꞌlaꞌ ni máꞌ mu̱xúne̱-xtutaalaꞌ ga̱jma̱á numúú xa̱bo̱.

Gu̱xu̱ꞌmá-mijnálaꞌ ná inuu Krísto̱, numuu rí ikhaa̱ ñajuu̱n xómá itsí ndaꞌya rí támakúún xa̱bo̱ numbaa juyáá, xómáꞌ Ana̱ꞌlóꞌ niraꞌwíi̱ rí ma̱nindxu̱u̱ xómá itsí rí phú gíꞌdoo numuu.

Ga̱juwalaꞌ xómá xa̱bo̱ tsí na̱nguá nithán-ñájúún, i̱ndo̱ó máꞌ numuu rí mu̱xúne̱-tsu̱di̱ílaꞌ rí ndawa̱a̱ tsí iꞌthán-ñajwanlaꞌ kajngó ma̱goo mu̱ne̱laꞌ rí xkawe̱ꞌ, rí ga̱juwalaꞌ xómá yumbée Ana̱ꞌlóꞌ.

Numuu rí Ana̱ꞌlóꞌ nandoo rí mu̱ne̱laꞌ rí máján kajngó ma̱ꞌne-wíyuu rawúún tsí tsífruꞌu̱ún jamí júgoo inúú.