Popular Bible Verses from KWEBEROMA 8

Share

Siyazi bonyana kilabo abathanda uZimu, wenza bona koke kuhlangane bekubakhambele kuhle, iye, labo ababizwe ngokweminqopho yakhe.

Nje-ke ngineqiniso lokobana akunalitho, nanyana kungaba kukufa, kuphila, ziingilozi, babusi, zizinto ezikhona, zizinto ezizakubakhona, mibuso, kuphakama, kuzika, nanyana kungaba yini edaliweko ezasihlukanisa nethando lakaZimu kuKrestu Jesu iKosethu.

Ngokunjalo uMoya uyasisiza ebuthakathakeni bethu ngombana asikwazi ekumele sikuthandazele. Kodwana uMoya ngokwakhe usithandazela ngokububula okungekhe kwahlathululwa ngamezwi.

Alo sizakuthini ngezintwezi na? Nakube uZimu ujame ngakithi, ngubani-ke ongajamelana nathi na?

Yeke akusekho ukulahlwa kilabo abakuKrestu Jesu

Ukubeka umkhumbulo kokwenyama kukukufa, kodwana ukubeka umkhumbulo kokukaMoya kukuphila kanye nokuthula.

Kodwana kikho koke lokho singaphezu kwabahluli ngaye owasithandako.

Ngiyaqinisa bonyana iinhlupheko zesikhathesi azisililitho nazilinganiswa nephazimulo esizokwambulelwa yona.

Ngubani ongasihlukanisa nethando lakaKrestu na? Kghani ingaba kutlhaga, ziinkathazo, kuzunywa, yindlala, kutlhoga izambatho, yingozi namkha yisabula na?

UZimu ohlola iinhliziyo, uyakwazi okusemkhumbulweni kaMoya ngombana uMoya uthandazela abacwengileko ngokwentando kaZimu.

ngombana labo abarholwa nguMoya kaZimu, babantwana bakaZimu.

Labo abaphila ngokwenyama babeka imikhumbulwabo ezintweni zenyama, kodwana abaphila ngokukaMoya babeka imikhumbulwabo kokukaMoya.

Yena ongazange agodle iNdodanakhe, kodwana wayinikela ngebanga lethu soke, akazukusinikela koke ngayo na?

UMoya ngokwakhe ufakazela ummoya wethu bonyana sibantwana bakaZimu. Nje-ke nakube sibantwana, kutjho bona siziindlalifa, iye, iindlalifa zakaZimu begodu siziindlalifa kanye noKrestu nakube ngambala sihlanganyela eenhluphekweni zakhe ukuze sihlanganyele naye ephazimulwenakhe.

Ngesizathweso-ke umkhumbulo osenyameni ulinaba kuZimu; awuthobeli umthetho kaZimu, ngambala angekhe wakghona ukuwuthobela.

Indalo ilindele ngetjisakalo yokulabalabela bona abantwana bakaZimu babonakaliswe.

Siyazi bona yoke indalo beyiquma inemirhelo bekube kunjesi