Popular Bible Verses from KWEBEROMA 12

Share

Ningaziphathi njengokwemikhuba yephaseli, kodwana tjhugululwani ngokwenziwa kabutjha emikhumbulweni yenu ukuze nikghone ukuhlukanisa okuyintando kaZimu; okuhle, okwamukelekako nokupheleleko.

Nje-ke bazalwana, ngebanga lesirhawu sakaZimu ngiyanirabhela bonyana ninikele imizimba yenu ibe mihlabelo ephilako, ecwengileko nethandekako kuZimu. Lokhu kukulotjha kwenu okwamukelekako.

Thabani ethembeni, nibekezele eenhluphekweni, nikhuthale emthandazweni.

Ungabindwa bubumbi kodwana wena kumele ubinde ubumbi ngobuhle.

Thandanani khulu ngethando lobuzalwana, niphalisane ngokuhloniphana.

Ithando alibe ngelamambala; nyenyani ubumbi, nikakarele kokuhle.

Nakukghonekako ngokusemandlenenu, philisanani ngokuthula nabo boke abantu.

Bazalwana ningazibuyiseleli, kodwana nikelani itukuthelo kaZimu ithuba ngombana kutloliwe kwathiwa: “Ukubuyiselela kungokwami, ngizokubuyiselela.” Kutjho uSomnini.

Ningatlhayelelwa yitjisakalo kodwana hlalani nivutha emmoyeni, nilotjhe iKosi.

Ngomusa engiwuphiweko ngithi kini noke: Ningaziphatheli phezulu ngaphezu kwalokho eningikho, kodwana ziphatheni ngokuzigoba ukuya ngokwesilinganiso sokukholwa enikuphiwe nguZimu.

Ningabuyiseli ubumbi ngobumbi, kodwana nakani okuhle phambi kwabo boke abantu.

Philisanani ngokuzwana, ningazikhukhumezi, kodwana zimanyaniseni nabathobekileko. Ningazenzi inga nihlakaniphe ukudlula lokho eningikho.

Esikhundleni salokho, umtlolo uthi: “Nakube isitha sakho silambile, siphe ukudla sigome; nakube somile, siphe amanzi sisele. Ngokwenza njalo, uzabe inga udindela amalahle avuthako ehlokwaso.”

Busisani labo abanizumako, iye, babusiseni ningabanikeleli. Thabani kanye nalabo abathabileko, nilile kanye nalabo abalilako.

Hlanganyelani eendingweni zabacwengileko, niphathe kuhle abayeni.

Njengombana emzimbeni munye sinamalungu amanengi, ngokunjalo amalungu lawo akenzi umsebenzi ofanako woke njalo. Nje-ke thina esibanengi emzimbeni munye kuKrestu, ngamunye ngamunye simalunga womunye nomunye.