Popular Bible Verses from KWEBEROMA 1

Share

Nje-ke anginanhloni ngevangeli ngombana limamandla kaZimu wokusindisa boke abakholwako, ukuthoma ngamaJuda kulandele amaGirigi.

Kilo kwembulwa ukulunga kwakaZimu ngokukholwa namayelana nokukholwa, njengombana kutloliwe kwathiwa: “Olungileko uzakuphila ngokukholwa.”

Soloko kwangesikhathi sokudalwa kwephasi, amandlakhe angapheliko kanye nemvelo yakhe yobuZimu, nanyana ingabonakali ngokwayo, phezu kobana ikhona, beyiseze izwisiswa begodu ibonwa ezintweni azidalileko. Ngalokho-ke abantu abanabo ubusithelo

ngombana nanyana bebaseze bamazi uZimu, azange bebamhloniphe namkha bamthokoze, kodwana babe nemikhumbulo engatjho ilitho, neengqondo zabo ezingazisiko zafiphala.

ngombana banana iqiniso ngoZimu kobana bazuze amala, balotjha bebasebenzela okudaliweko kunoMdali, okunguye okufanele adunyiswe ngokungapheliko. Amen.

Ubukhali bakaZimu bubonakala buvela ezulwini, behlela phezu kwakho koke okungakhambisani noZimu kanye nobukhohlakali balabo abavimba iqiniso ngokonakala kwabo.

Ngebangelo-ke, uZimu wabanikela ekutjhisakaleni okuhlazisako. Abafazi bakhona balisa indlela yemvelo yamabhayi bangena kokungasiyimvelo, ngokunjalo namadoda wakhona alisa indlela yemvelo yokuya emabhayini nomfazi, afuthelana ngokukhanukana wona. Amadoda enza ubuhlola namanye amadoda, ngalokho azamukelisa ngokwawo isibetho esifanele ubuhlola bawo. Njengombana abantwabo bangazange bakhathalele ukumazi uZimu, yeke uZimu wabanikela emikhumbulweni eyonakeleko nezintweni ekungakameli zenziwe.

Bazitjela bona bahlakaniphile, ngalokho baba ziindlhayela. Banana iphazimulo kaZimu ongabhubhiko ngemifanekiso emfuziselo wabantu ababhubhako namkha yeenyoni namkha yeenlwana ezinemilenze emine namkha yeenrhurhubi.