Popular Bible Verses from रोम 8

Share

आर बोन बाडाया, इसोर दुक्‌ला़ड़कोवाक् भागे ला़गित् सानामाक्‌गे का़मि सोक्‌होत्‌काना, ओनको ला़गित्‌गे, ओने ओनको उनियाक् निटजोङाक् लेकाको होहो ओचोवाकान

एनतेञ खा़टिआकावाना, बाङ दो मोरोन, बाङ दो जियोन, बाङ दो दुतको, बाङ दो सेरमारेन एकतिया़रियानको, बाङ दो नाहाँक्आक्‌को, बाङ दो दाराकानाक्‌को, बाङ दो दाड़ेको, बाङ दो उसुलाक्, बाङ दो खा़न्‌दरिञाक्; बाङ दो जाहान एटाक् सिरजा़वाक्‌कोगे, ओकोय हों ओहोको बेगार दाड़ेलेबोना मा़सि जिसु आबोरेन प्रोभु होतेते आबोरे मेनाक् इसोराक् दुला़ड़ खोन दो।

ओनकागे जिउ हों आबोवाक् निजोररेये सोहोत्एत्‌बोना; एनते लेक लेकाते कोकोय दो बाबोन बाडाय काना, मेनखान जिउ दो आच्‌गेये रोड़ सोहोत्एत्‌बोना, बाङ उचरा़नोक् कुहरा़वाते आबो ला़गित्‌ए कोयेदा।

चेत् एनडेखानबो मेना नोवाको रेयाक् दो? इसोरगे आबो ला़गित् मेनाय खान, एनडेखान आबो उपा़रते दो ओकोय?

एनडेखान नितोक् बिचा़र दुसिक्‌ते सा़जा़इ दो चेत् हों बा़नुक्‌आनाङ मा़सि जिसुरे मित्‌ आकानको ला़गित् दो।

एनते होड़मो रेयाक् मोनेजोङाक् मा मोरोन कान, मेनखान जिउ रेयाक् मोनेजोङाक् दो जियोन आर सुलुकगे।

बाङा, बिचकोम नोवाको सानामाक्‌रे दो जिता़उ खोन हों बा़ड़तिगेबोन जिता़उक् काना, आबोय दुला़ड़केत्‌बोनिच् होतेते।

चेदाक्‌जे इञ बुजहा़उरे नाहाँक्‌ जुग रेयाक् दुक सासेतको दो दाराकान ठोनोक तुलुच् जुरिक् ला़गित् लेकगे बाङकाना, ओने ओकाटाक् आबोरे हापेन सोदोरोक्।

मा़सियाक् दुला़ड़ खोन दो ओकोय बाङे बेगारबोन? चेत् सासेत्, से हारखेत्, से सानताव, से रेङगेच्, से लाङगाट, से मुहिम, से गुजुक्‌?

ओकोय आबोवाक्‌ ओनतोररेये ञेलेत्‌कान उनि दोए बाडाया सोनोत जिउ रेयाक् मोन दो ओकाकाना मेनते, उनि दो एनते आच्‌रेन होड़को ञुतुमते इसोराक् मोने लेकाय रोड़ सोहोत्एदा।

एनते तिना़क् होड़ इसोररेन जिउ होतेतेको आ़युर ओचोक्‌काना, ओनकोगे इसोररेन गिदरा़को दो।

ओकोय मानवावाक्‌ सोभाब लेकातेको चालाक्‌कान ओनको दो मानवावाक्‌ मोनतेको गोबोलोक्‌ काना, मेनखान जिउ रेयाक्‌ सोभाब लेकातेनको दो जिउ रेयाक्‌ सोभाब लेकातेको चालाक्‌काना।

उनि ओकोय आच्‌रेन निजे होपोन बाय माँयाँवादे, बिचकोम आबो जोतोको ला़गित्ए आलायकेदे, उनि दो चेकाते हाले उनि सालाक् सानामाक्‌को बाय दानाबोना?

इसोररेन जिउ दो आच्‌गे आबोवाक् जिउ साँवते गोहाय एमेत् काना, जे आबो दो इसोररेन गिदरा़ कानाबोन। आरबोन गिदरा़ कान खान आ़क्‌आ़इदा़रिको कानाबोन, इसोररेन आ़क्‌आ़इदा़रिको आर मा़सिरेन साँव आ़क्‌आ़इदा़रिकोगे खा़जुक उनि साँवते सासेतबोन जोम एनडेखान उनियाक्‌ ठोनोकरे हों बोन सेलेदोक्‌आ।

चेदाक्‌जे होड़मो रेयाक् मोनेजोङाक् दो इसोर उपा़रते बा़इरिगेया; एनते इसोराक् आ़नरे बाङ ताबेक्‌कान दो आर ओहोगे ताबे दाड़ेलेना।

एनते सिरजोन दो आ़डि उइहा़ँर सालाक् इसोररेन गिदरा़कोको सोदोरोक्ए ञेल होरेदा।

एनते बोन बाडाया जे गोटा सिरजोन नित हा़बिच् मित्‌ते जानाम बेदोनतेको कुहरा़वेत्आ आरको सासेतोक् काना।