Popular Bible Verses from रोम 6

Share

एनते का़इ रेयाक् कुड़ा़इ दो मोरोन काना, मेनखान इसोर रेयाक् दाया दान दो जायजुग जियोनगे मा़सि जिसु आबोरेन प्रोभुरे।

चेदाक्‌जे आपे चेतानरे का़इ दो मा़लिकि बाय चालावा; एनते आ़न गोबोलरेन दोपे बाङ काना, मेनखान दाया गोबोलरेनकोगे।

आदो बा़प्‌तिसमाते दो मोरोन सेच् उनि तुलुच्‌बोन तोपालेना, जेमोन चेत्‌लेका मा़सि दो बाबा रेयाक् ठोनोकते गोच्‌को खोने बेरेत् ओचोयेन, ओनकागे आबो हों जियोन रेयाक् नावाँतेत्‌रेबोन ताड़ाम।

आर आपेयाक् होड़मो हा़टिञको हों बा़ड़िच्‌आक्‌को रेयाक् खानडाभानडा मेनकाते का़इ ठेन आलोपे गोबोल ओचोया, बिचकोम गोच्‌को खोन जिवेत् आकानको मेनकाते इसोर ठेन गोबोलोक्‌पे आर आपेयाक् होड़मो हा़टिञको दो इसोर ठेन बिक्‌चा़र रेयाक् खानडाभानडा मेनकाते सामाङतापे

नोवा बोन बाडायेत्‌ते, जे आबोरेन मारे होड़तेत् दो उनि साँवतेये कुरुस आकाना, जेमोन का़इ रेयाक् होड़मो दो मारावक् का़इ ठेन गोलाम आरदो आलोबोन खाटावक्आ मेनते।

ओनकागे आपे हों का़इ सेच्‌ते दो गोच्‌को बाड़े बुजहा़उक्‌पे, मेनखान इसोर सेच्‌ते दो जिवेत्‌कोगे मा़सि जिसुरे।

चेत् एनडेखानबोन मेना? का़इतेगेबोन ताहें इदिक्आ जेमोन दाया बा़ड़तिक्? ओहोवा, आबो का़इ सेच्‌तेबोन गोच्‌एनको ओनारे आर दो चेत्‌लेकाते जिवेत्‌बो ताहें इदिक्आ?

चेत् बापे बाडाया, हुकुम बाताव गोलाम मेनते आपनारगे ओकोय ठेनपे गोबोलोक्‌कान आर ओकोयाक्‌ हुकुमपे बातावेत्‌ताय, उनिरेन गोलामपे होयोक्‌ काना? होयतो मोरोन ला़गित् का़इरेन गोलाम बाङखान सा़रियाक्‌ सेच्‌ हुकुम बाक्‌ताव ला़गित्?

मेनखान इसोरे सारहावक्‌मा, का़इरेन गोलामपे ताहेंकानको दो मोनते ओना सिकना़तपे मानावाँकादा, ओकाटाक्‌रेपे जिमा़येन। आर का़इ खोन सा़धिनेनते सा़रियाक्‌रेन गोलामपे होयेना।