Popular Bible Verses from माथ 19

Share

जिसु दो ओनको सेच्‌ बेङगेत्आतेये मेतात्‌कोवा, “मानवा होतेते नोवा दो बाङ होय दाड़ेयाक्‌आ, मेनखान इसोर होतेते दो सानामाक्‌गे होय दाड़ेयाक्‌आ।”

ओना इया़ते आरदो बारया दोकिन बाङ काना, बिचकोम मित् होड़मोगे। ओनाते ओकाटाक् इसोरे जोड़ाव मित्‌ आकात् ओना दो मानवा आलोय तोपागमा।”

उनिये रोड़ रुवा़ड़ात्‌कोवा, “सोसतोररे बापे पाड़हाव आकादा, सिसिरजा़विच् दो एतोहोप्‌रे हेरेल आर मायजिवे सिरजा़उकेत्‌किना? आरे मेनकेदा, ओना इया़ते हेरेल दो एङगात आपात बा़गिकिनते आच् रिनिच् तुलुच् लाता आकाने ताहेना, आर उनकिन दो मित् होड़मोकिन होयोक्‌आ।

मेनखान जिसुइ मेतात्‌कोवा, “का़टिच् गिदरा़को आड़ाक्‌आकोपे आर इञ ठेन हिजुक् आलोपे मानाकोवा, एनते सेरमा राज दो नोनकानकोवाक् कानगेया।”

मेनखान लाहातेनको आयमा दोको तायोमोक्‌आ आर तायोमतेनको दोको लाहाक्‌आ।”

आर जाहाँयगे इञ ञुतुमते ओड़ाक् दुवा़र, से बोयहाको, से मिसराको, से एङगात से आपात, से आच् ओड़ाक् होड़ से गिदरा़को, से ओत बाड़गेकोय बा़गिआकावात् खान, उनि दो साय दोबोड़े ञामा, आर जायजुग जियोने आ़इदा़रिजोङा।

जिसु दो उनिये मेतादेया, “सा़बित उता़रोक्‌एम मेनजोङकान खान, दो सेनकाते मेनाक्‌तामाक्‌को आ़खरिञमे आर रेङगेच् ओरेच्‌को एमाकोम, खान सेरमारे धोन होयोक्‌तामा, आर देला पाँजाञमे।”

जिसु दो उनिये मेतादेया, “भागेयाक् रेयाक् दो चेदाक्‌एम कुलिएदिञ काना? मित्‌ गोटेनगेयाय भागेयिच् दो, मेनखान जियोनते बोलोक्‌एम मेनजोङकान खान, हुकुमको दोहोयमे।”

आरहोंञ मेतापेकाना, किसा़ँड़ होड़ इसोराक् राजरे बोलोक् खोन सुइ भुगा़क्‌रे उँटए बोलो ताबोक् दो आलगागेया।”

मेतापेकानाञ, जाहाँयगे लाटघाट इया़ते छाडा रिनिच्‌तेत् ए बा़गिये आर एटागिच्‌ ए बापलाये, उनि दोए लोटघुटिया, आर ओकोय बा़गिआकादेयिच्‌ ए बापलाये खान उनि होंए लोटघुटिया।”

आदो जिसु आच्‌रेन चेलाकोय मेतात्‌कोवा, “सा़रिगेञ मेतापेकाना, किसा़ँड़ होड़ दो सेरमा राजरे आ़डि मुसकिलतेको बोलोक्‌आ।