Popular Bible Verses from माथ 16

Share

उनरे जिसु आच्‌रेन चेलाकोय मेतात्‌कोवा, “जाहाँयगे इञ तायोमते हिजुक् सानाये खान आच् दोए बाङोक्‌मा, आर आयाक्‌ कुरुस ए गोगमा आर इञे पाँजाञमा।

आर इञ हों आम इञ मेतामकाना, आम दो पातरास कानाम आर नोवा चा़टा़इनिरे इञाक् का़लिसिया़ञ बेनावा, आर मोरोन रेयाक् दाड़े दो ओनारे बाय जिता़उक्‌आ।

सेरमा राज रेयाक् का़ठिकोञ एमामा, आर जाहानाक्‌गे धा़रतिरेम तोल ओना दो सेरमारे हों तोलगे ताहेना, आर जाहानाक्‌गे धा़रतिरेम राड़ाय ओना दो सेरमारे हों राड़ागे ताहेना।”

एनते जाहाँयगे आयाक्‌ जिवि बाञचाव सानाये, उनि दो ओनाय खुवा़उआ, आर जाहाँयगे इञ इया़ते आयाक्‌ जिविये खुवा़उ, उनि दो ओनाय ञामा।

एनते मित् होड़ गोटा धा़रतिये लाबते आयाक्‌ जिविये खुवा़उले खान चेत् पोरहो होयोक्‌ताया? से मित्‌टेन होड़ आयाक्‌ जिवि बोदोलते दो चेत्‌ ए एमकेया?

आदोए मेतात्‌कोवा, “मेनखान आपे दो ओकोय कानाञ मेनतेपे मेनेदा?” सिमोन पातरासे रोड़ रुवा़ड़केदा, “आम दो मा़सि, जिवेत् इसोररेन होपोन कानाम।”

जिसुइ रोड़ रुवा़ड़केदा, “भा़गानगेयाम ए जोना होपोन सिमोन, एनते मानवाकोवाक् आ़किलते दो बाङ, मेनखान सेरमारे मेनाय आ़पुञगेये सोदोर आकावात्‌मेया।