Popular Bible Verses from लु 3

Share

आर नोनका होयेना, जोतो होड़को बा़प्‌तिस ओचोक्‌कान ताहेंकानरे, जिसु हों बा़प्‌तिस ओचोयेनतेये कोयजोङकान ताहेंकानरे, सेरमा झिच्एना, आर सोनोत जिउ दो होड़मो मुठा़नते मित्‌टेन पोताम लेका उनिरेये फेडेना, आर सेरमा खोन मित्‌टेन आड़ाङ होयेना, आम दो इञरेन दुला़ड़िया़ होपोन कानाम, आमरेगेञ कुसि आकाना।

उनरे जोहान दो सानाम होड़े रोड़ रुवा़ड़ात्‌कोवा, “इञ मा दाक्‌तेञ बा़प्‌तिसेत्‌पे, इञ खोन दाड़ेयानिच्ए दारायकाना, ओने उनियाक् खारपा रेयाक् तोनोल हों राड़ायताय लेक दोञ बाङकान; उनिगे सोनोत जिउ आर सेङगेलतेये बा़प्‌तिसपेया।

नोनका का़मिपे जे ओनाते बाडायोक् आपे दो आपेयाक् का़इ खोनपे आ़चुर आकाना आर मोनरे मेमेन दो आलोपे पोरतोना आबराहामगे बाबा मेनायतालेया मेनते, एनतेञ मेतापेकाना, इसोर दो नोवाको धिरि खोन आबराहाम ला़गित् होपोने तेङगो दाड़ेयाकोवा।

आर नित हों टेङगोच्‌ दो दारे रेहेत्‌रे लागाव ठिक आकाना, ओना इया़ते भागे बाङ जोक् मित्‌के मित् दारे दो माक् भिनदा़ड़ोक्आ सेङगेलरे खादलेक्आ।”

जेसाया ना़बियाक् काथाको रेयाक् पुथिरे ओल आकान लेका, बाङमा, हाहाङकाररे मित्‌टेन होक्‌होकानिच् रेयाक् आड़ाङ। प्रोभु रेयाक् होर तेयारकातायपे, उनियाक् सुड़ुँच्‌ होरको सोजहेकातायपे; मित्‌के मित् बुरु नाला दो भातावक्आ आर मित्‌के मित् बुरु आर डुङगरि दो चोपोदोक्आ, कोंडेयावाक्‌को दो सोजहेक्आ, आर हारचात्‌ होरचोत्आक् दो मित्‌साँव होरकोगे होयोक्आ। आर जोतो मानवागे इसोराक् बाबाञचावको ञेला।