Popular Bible Verses from आ का़ 1

Share

मेनखान दाड़ेपे ञामा, सोनोत जिउ आपेरेये हेच्‌लेनरे, आर इञरेन गोहापे होयोक्आ, जेरुसालेमरे हों आर गोटा जिहुदा़ आर सा़मा़रिया़रे हों, हें धा़रति मुचा़त् हा़बिच्‌गे।”

उनि दोए मेतात्‌कोवा, “आपेयाक् दो बाङ काना, जोखेच्‌को से ओकतेको बाडाय ला़गित् ओने ओकाको बाबा आयाक्‌ निज एकतिया़रिरेये दोहोआकात्

आर ओनको तुलुच् जोम ला़गित्‌ दुड़ुप् मित्एनतेये हुकुमात्‌कोवा, “जेरुसालेम खोन आलो सेनहाताड़ोक्, बिचकोम बाबा रेयाक् गोक्‌आक्‌ ता़ङगिगे, ओने ओकाटाक् मेतात्‌कोवाय, इञ ठेनगेपे आँजोमलेत्। एनते जोहान मा दाक्‌तेये बा़प्‌तिसलेत्‌को, मेनखान आपे दो सोर दिन खानगे सोनोत जिउतेपे बा़प्‌तिस ओचोक्आ।”

ओने आयाक्‌ गुजुक्‌ तायोम ओनको ठेन जिवेत् होंए उदुक्एन आ़डि ओकोच् सा़बुतकोते, पोनगेल दिनकोरे ओनको ठेने ञेल बाड़ा ओचोक्‌कान ताहेंकान, इसोराक् राज रेयाक्‌कोय ला़इयाकोकान ताहेंकान तुलुच्।

आदो ओनाकोय रोड़केत् खान ओनकोको ञेञेलकान ताहेंकान तुलुच्‌गेये राकाप् ओचोयेना, आर मित्‌टेच् रिमिल दो ओनकोवाक् मेंत्‌ खोने दानाङकेदेया।

आर उनिये चालाक्‌कान जोखेच् सेरमा सेच्‌को कोयोक् उरिच् आकात् ताहेंकानरे, ञेलपे पोंड किचरिच् होरोक्‌आकात् बार होड़ ओनको आड़ेरेकिन तेङगोयेना, ओने उनकिन किन मेनेत्‌, “ए गा़लिलरेन होड़को, चेत्‌पे तेङगोवाकाना सेरमा सेच्‌ बेक्‌ङगेत् कान दो? नुय जिसु, उनि ओने आपे ठेन खोन सेरमातेये राकाप् ओचोयेन, ओनकागेये हिजुक्आ हापेन चेत् लेका सेरमाते चालाक् कानपे ञेलकेदे।”