Popular Bible Verses from Aba Loma 14

Share

Pakuti Ubunyafyale ubwa Chala bute nimbombo ni fyakulya ni fyakung’wa, loli ubwanaloli nu mutende, sona nu kuhoboka, fyo u Mbepo Mwikemo akupa. Sona pala umundu akumubombela u Kilisitu bububu, akumuhobosya u Chala, sona nukupaliwa na bandu.

Pala tuli nu bumi, tukwisa pakuba nu bumi chifukwa cha Malafyale, sona pala tukwisa pakufwa, tukwisa pakufwa chifukwa cha Malafyale, napo tube nu bumi pamo tufwe, twe bandu ba Malafyale.

Pololi sa tughesye ngani pakubomba ifindu fyo fya mutende, umwakuti tukasannye.

Pololi, tuleke pakulongana. Mubuyo bwake, tuleke pakubomba fyo fingabapunusya abandu abangi, pamo pakubika ichisinga musila ya bandu abangi.

Pakuti kusimbiwe ukuti, “Po une indi nu bumi, u Malafyale akuyugha, ifipefu fyosi fikwisa pakufughamilila, po imilomo yosi yikwitikisya kwa Chala.” Pololi wesi mu mwitu akwisa pakwibelengela mwene kwa Chala.

Mu mupokele umundu yo ulwitiko lwake lwakufoka, loli mutakadalingane nawe pa syo akwinong’ona.

Imba we wenu uwe ukuti umulongaghe uwambombo uwa yumo? We Malafyale wake mwene yo angatumula pala akubomba akisa pamo akupotwa. Po akwisa pakubomba akisa mundasi, pakuti u Malafyale weyo amenye pakumupela ukuti abombaghe akisa.