Popular Bible Verses from Yohani 21

Share

Bo bamala pakulya, u Yesu akamulalusya u Simoni Pitala akati, “Simoni, mwana wa Yohani, imba unganite une ukukila abanyako aba? U Simoni akamula akati, “Inga, Malafyale, usimenye ukuti une ngughanite uwe.” U Yesu akati, “Lisya utwana twa ng’osi syangu.” Akamulalusya sona ulwa bubili akati, “Simoni Mwana wa Yohani, Imba unganite une?” U Simoni akamula akati, “Inga we Malafyale, usimenye ukuti ngughanite uwe.” U Yesu akamwamula akati, “Sunga ing’osi syangu.” U Yesu akamulalusya ulwa butatu akati, “Simoni, Mwana wa Yohani, imba unganite une?” U Pitala akasulumannya chifukwa u Yesu akamulalusya ulwa butatu ukuti, “Imba unganite une?” U Pitala akamula akati, “Malafyale, usimenye syosi. Usimenye ukuti une ngughanite uwe. U Yesu akamubusya akati, “Lisya ing’osi syangu.

Naloli ngukubusya uwe, bo we mupala ukafwala we mwene ulamba wako nukubuka wemwene kosi ko ukulonda, loli pala wisa waba mughosi ukwisa pakugholosya we mwene inyobe syako, po umundu uyungi akwisa pakufwika ulamba mumusana, nukubuka ko uwe utakulonda pakubukako.”

Akababusya akati, “Ponnya ichilepa chinyu kumbali ya nyobe indilo mubwato, timukole simo iswi.” Bo bakaponnya ichilepa chabo, po bakapotwa pa kughusa ichilepa chifukwa cha bwingi bwa swi.

U Simoni Pitala akababusya abanine akati, “Nabuka pakuloba iswi.” Bakamwamula bakati, “Tukubuka poka nuwe.” Bakafuma nukuya pakukwela mu bwato, loli ubusiku bulabula batakakolapo nasimo.