Popular Bible Verses from Alom 11

Share

Pakuti vindhu vonjhe vichokela kwake, ndande yake vonjhe viendekela kukhalapo. Ulemelelo ukhale kwake ni hadi muyaya ikhale chimwecho.

Yetu, Mnungu wali ni chuma chambili kupunda, kujhiwa ni njelu ya Mnungu vilibe mathelo! Lisungu lake silipenyeka, ni njila zake sizijhiwaka!

Ngati umo yalembedwa, “Yani uyo wayajhiwa maganizo ya Ambuye? Yani wakhoza kukhala mundhu wa kumthangatila maganizo?

Chipano nde umo ili pa ndhawi ino ya chipano. Alipo wandhu wanga ochepa yawo akhalila, yawo adasanghidwa ni Mnungu ndande ya ubwino wake. Mnungu waasangha wandhu kwa ubwino wake, osati kwa vichito vao. Pakuti ngati kusangha kwake kudakakhulupilila vichito va wandhu, ubwino wake sidakalanjho ubwino.

Nambho ngati ndhawi za kumojhi mtengo wa Mzeituni zadulidwa, ni pamalo pake ndhawi za mtengo wa Mzeituni wa mthengo zavyalidwa. Anyiimwe wandhu amaiko yina nde ndhawi zimenezo za mizetuni ya mthengo ni chipano mgwilizana mbhavu ni mwawi wa mchizimu ni ngati mitengo ya Mizeituni mbusitani. Chipano simdadelela wajha adulidwa ngati ndhawi! Ata ngati chilipo cho jhidamila, kumbukilani kuti osati anyiimwe muthangatila mizo, nambho mizo nde iyo ikuthangatilani anyiimwe.